სასტუმრო „რუმსთან“, სადაც მაკკეინის ინსტიტუტის მიერ ორგანიზებული კონფერენცია მიმდინარეობს, "იბერიას" ჟურნალისტებმა აქცია გამართეს

სასტუმრო „რუმსთან“, სადაც მაკკეინის ინსტიტუტის მიერ ორგანიზებული თბილისის საერთაშორისო კონფერენცია მიმდინარეობს, ტელეკომპანია "იბერიას" ჟურნალისტებმა საპროტესტო აქცია გამართეს.

როგორც არხის საინფორმაციო სამსახურის ხელმძღვანელმა ვახო ხუზმიაშვილმა ჟურნალისტებთან საუბარში განაცხადა, მათ სურთ ყველას გააგებინონ, რომ ხელისუფლება საქართველოში თავისუფალ მედიას ებრძვის.

"აქ იმიტომ ვართ მოსული, რომ ჩვენი ხელისუფლება არის დაყრუებული. ხელისუფლებას სურს ტელეკომპანია „იბერიას“ დახურვა და გაჩერება. ხელისუფლების წარმომადგენლებს აინტერესებთ მხოლოდ ფული. ჩვენი ეთერებიდან მათ არ ესმით ჩვენი ხმა. აქ საერთაშორისო საზოგადოებაა შეკრებილი და გვსურს გავაგებინოთ, რომ საქართველოს ხელისუფლება ზღუდავს დამოუკიდებელ მედიასაშუალებებს", - განაცხადა ვახო ხუზმიაშვილმა.

შეგახსენებთ, რომ ტელეკომპანიის მფლობელები ხელისუფლებას ზეწოლაში ადანაშაულებენ და არხისთვის მთავარი ფინანსური წყაროს გადაკეტვაში ადანაშაულებენ.

ამირან სალუქვაძე - რაც ახლა ხდება, ეს არა პოლიტიკური კრიზისი, არამედ პოლიტიკურ ოპონენტთა შორის თანაცხოვრების კრიზისია
ქართული პრესის მიმოხილვა 22.11.2019
მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
თეგეტა მოტორსის სპეციალური შეთავაზება ზამთრის საბურავებზე
სადაზღვევო კომპანია პრაიმში მასშტაბურმა აქცია დაიწყო!
სპეციალური პირობები სამშენებლო კომპანიებისთვის SAP Business One-ის დანერგვაზე BDO-სგან
26 ახალი და გემრიელი შესაძლებლობა - საბვეიში განახლებული მენიუა (R)