ქსელის გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. როგორც „ინტერპრესნიუსს“ „ენერგო-პრო ჯორჯიას“ პრესსამსახურიდან აცნობეს, 13 სექტემბერს, 10:00 საათიდან 18:00 საათამდე ელექტროენერგიის მიწოდება შეეზღუდება 765 აბონენტს მცხეთის მუნიციპალიტეტის სოფლებში ნაფეტვრები, მუხათწყარო, მსხალდიდი, ლისი და მიმდებარე სოფლებში.

11:00 საათიდან 18:00 საათამდე კი ძაბვის მიწოდება შეუწყდება 1 აბონენტს გუდაურში. 10:00 საათიდან 17:00 საათამდე - 845 აბონენტს დუშეთის მუნიციპალიტეტის სოფლებში მაღაროსკარი, ბარისახო, თვალივი, ზემო ხორხი, ჩარგალი და მიმდებარე სოფლებში. ხოლო 11:00 საათიდან 16:00 საათამდე - 922 აბონენტს სოფლებში არაგვისპირი, ბოდორნა, წითელი კლდე, აგატი და მიმდებარე სოფლებში.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.