საპარლამენტო დელეგაციამ კორეის რესპუბლიკის დედაქალაქში სამუშაო ვიზიტი დაასრულა

კორეის რესპუბლიკის ეროვნულ ასამბლეასთან საქართველოს პარლამენტის მეგობრობის ჯგუფის წევრებისგან შემდგარმა დელეგაციამ სეულში სამუშაო ვიზიტი დაასრულა.

პარლამენტის პრესსამსახურის ინფორმაციით, ვიზიტის ბოლო დღეს საქართველოს პარლამენტის წევრები კორეის რესპუბლიკის საგარეო საქმეთა მინისტრის მიადგილეს პოლიტიკურ საკითხებში, იუნ სუნ-გუს შეხვდნენ. შეხვედრაზე მხარეებმა ისაუბრეს საქართველოსა და კორეას შორის არსებულ პოლიტიკურ, ეკონომიკურ და სავაჭრო ურთიერთობებზე. საქართველოს პარლამენტის ვიცე სპიკერმა, ზვიად ძიძიგურმა მინისტრის მოადგილეს დეტალური ინფორმაცია მიაწოდა საქართველოს წინააღმდეგ მიმართული რუსეთის აგრესიული პოლიტიკისა და ქმედებების შესახებ.

„უაღრესად მნიშვნელოვანია საერთაშორისო საზოგადოების მტკიცე და მიზანმიმართული პოზიცია რუსეთის ოკუპაციისა და ანექსიის პოლიტიკის წინააღმდეგ. ხაზგასმით აღვნიშნავთ, რომ საქართველო რჩება კონფლიქტის მშვიდობიანი გზით მოგვარების პოლიტიკის ერთგული“ - აღნიშნა ზვიად ძიძიგურმა.

კორეის რესპუბლიკის საგარეო საქმეთა მინისტრის მოადგილემ, ორმხრივი ურთიერთობების განმტკიცებისთვის, საქართველოს პარლამენტის დელეგაციის ვიზიტის მნიშვნელობა აღნიშნა და განაცხადა, რომ კორეის რესპუბლიკა მხარს უჭერს საქართველოს სუვერენიტეტსა და ტერიტორიულ მთლიანობას, შესაბამისად რჩება ოკუპირებული ტერიტორიების არაღიარების პოლიტიკის ერთგული. მანვე მადლობა გადაუხადა საქართველოს დელეგაციას კორეის ნახევარკუნძულზე საბოლოო მშვიდობის დამყარებისა და კორეის რესპუბლიკის აქტიური მხარდაჭერისთვის. შეხვედრის ფარგლებში, აღინიშნა სავაჭრო ურთიერთობების გაღრმავების აუცილებლობა, რაც გულისხმობს ორ ქვეყანას შორის თავისუფალი ვაჭრობის შესახებ მოლაპარაკებების გახსნის შესაძლებლობაზე მუშაობის დაწყებას. ხაზი გაესვა საქართველოში არსებულ ხელსაყრელ საინვესტიციო გარემოსა და ქვეყნებს შორის მზარდ ტურისტულ პოტენციალს.

სეულში გამართულ შეხვედრებს საქართველოს პარლამენტის კორეის რესპუბლიკის ეროვნულ ასამბლეასთან მეგობრობის ჯგუფის ხელმძღვანელი შოთა ხაბარელი და ჯგუფის წევრები - საქართველოს პარლამენტის ვიცე-სპიკერი, ზვიად ძიძიგური და ენძელა მაჭავარიანი დაესწრნენ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა