საქართველოში პირველი ოფიციალური ვიზიტით მყოფი ისრაელის თავდაცვის მინისტრი გმირთა მოედანზე იმყოფებოდა.

როგორც „ინტერპრესნიუსს“ საქართველოს თავდაცვის სამინისტროდან აცნობეს, ავიგდორ ლიბერმანმა საქართველოს ტერიტორიული მთლიანობისთვის ბრძოლაში დაღუპული ქართველი გმირების ხსოვნას პატივი მიაგო და მემორიალი გვირგვინით შეამკო.

გმირთა მოედანზე ისრაელის თავდაცვის მინისტრთან ერთად საქართველოს თავდაცვის მინისტრი ლევან იზორია იმყოფებოდა.