პარლამენტის შენობის წინ მიმდინარე აქციას ჯვრის მამის მონასტრის მონაზონი, დედა თამარი შეუერთდა, რომელმაც შვილმოკლულ მამებთან ერთად შიმშილობა დაიწყო.
დედა თამარის განცხადებით, მიუხედავად იმისა, რომ აღნიშნული ფაქტი რელიგიურად ცოდვად ითვლება, ის თავს უფლებას აძლევს, რომ ამ ფორმით სოლიდარობა გამოხატოს შვილმკვდარი მამების წინაშე და სხვა სასულიერო პირებს მოუწოდებს გვერდით დაუდგნენ მალხაზ მაჩალიკაშვილსა და ზაზა სარალიძეს.
პარლამენტთან მიმდინარე აქციაზე აქციის მონაწილეებმა წუთიერი დუმილით პატივი მიაგეს გარდაცვლილთა ხსოვნას და სიმბოლურად ცაში ფრანები აუშვეს. აქციის მონაწილეებს მიმართეს ზაზა სარალიძემ და მალხაზ მაჩალიკაშვილმა, რომლებმაც აღნიშნეს, რომ ისინი დაშლას არ აპირებენ და საზოგადოებას გვერდში დგომისკენ მოუწოდეს. პარლამენტის შენობის წინ მობილიზებულნი არიან სამართალდამცველები. აქციაზე რამე ინციდენტს ადგილი არ ჰქონია.