ცენტრალური საარჩევნო კომისიის თავმჯდომარის თამარ ჟვანიას განცხადებით, დღესდღეობით საარჩევნო გარემო შეიძლება შეფასდეს, როგორც გამჭვირვალე და ყველა პროცესი, რაც მიმდინარეობს, სწორედ გამჭვირვალობის პრინციპით წარიმართა.

თამარ ჟვანია მიიჩნევს, რომ 28 ოქტომბრის არჩევნები წარმატებულად ჩატარდება.

„საარჩევნო გარემოს გამჭვირვალობას უზრუნველყოფს პროცესების ხელმისაწვდომობა, რომელიც დღესდღეობით მიმდინარეობს.

ჩვენ უკვე ძალიან ბევრი დამკვირვებელი გვყავს რეგისტრირებული. ბოლო სხდომებს 18 ორგანიზაციის 208 დამკვირვებელი ესწრებოდა. ასე რომ, გამჭვირვალობა სახეზეა. ჩვენ გვეყოლება საერთაშორისო დამკვირვებლები და ჩავატარებთ ძალიან გამჭვირვალე და წარმატებულ არჩევნებს",- განაცხადა თამარ ჟვანიამ.

საქართველოში საპრეზიდენტო არჩევნები 28 ოქტომბერს ჩატარდება.