გაფორმების ეკონომიკური ზონის ერთ-ერთი შენობის სახურავზე ასული სატვირთო ავტომანქანის მძღოლი სახურავიდან ჩამოვიდა. თუმცა, მას კვლავ ხელში უკავია ბოთლი, რომელშიც ჩასხმულია საწვავი. მძღოლმა რამდენჯერმე გადაისხა საწვავი.

მძღოლი აცხადებს, რომ მისი პირობები კვლავ უცვლელი რჩება.

სამართალდამცველებს მძღოლთან მიახლოების საშუალება არ ეძლევათ, რადგან მძღოლი კვლავ თავის დაწვით იმუქრება.

ცნობისთვის, ფინანსთა მინისტრის ბრძანების თანახმად, საქართველოში სახმელეთო გზით ხორბლის გადატანა იკრძალება. სატვირთო ავტომობილების მძღოლები სწორედ ამ დადგენილებას აპროტესტებენ.

აქციის მონაწილეთა ნაწილი მოითხოვს, რომ ფინანსთა მინისტრის ბრძანება უვადოდ გადაიდოს და მათ მუშაობის საშუალება ჩვეულ რეჟიმში მიეცეთ ისე, რომ არ მოხდეს საბაჟოზე დამატებითი გადასახადების დაწესება.

იმ შემთხვევაში, თუ შეთანხმება არ შედგება, აქციის მონაწილეთა ნაწილი პერმანენტულ აქციებს აანონსებს.