1-ელ ოქტომბერს ქართული სამხედრო ავიაციის დღე აღინიშნება
ალექსეევკის შერეულ საავიაციო ბაზაზე 1-ელ ოქტომბერს სამხედრო ავიაციის დღე აღინიშნება.
როგორც „ინტერპრესნიუსს“ საქართველოს თავდაცვის სამინისტროდან აცნობეს, ავიაციისა და საჰაერო თავდაცვის სარდლობის პირად შემადგენლობას პროფესიულ დღეს საქართველოს პრემიერ-მინისტრი მამუკა ბახტაძე მიულოცავს და სიტყვით მიმართავს.
სამხედრო მოსამსახურეებს ავიაციის დღეს მიულოცავენ ასევე საქართველოს თავდაცვის მინისტრი ლევან იზორია და გენერალური შტაბის უფროსი, გენერალ-მაიორი ვლადიმერ ჩაჩიბაია.
