პროკურატურა - ყველა მასალა, რაც საჯარო გახდა მედიით, თბილისის პროკურატურაში მიმდინარე გამოძიების საქმის მასალებს დაერთვება

ყველა მასალა, რაც საჯარო გახდა სხვადასხვა მედიასაშუალებით, დაერთვება ქალაქ თბილისის პროკურატურაში მიმდინარე გამოძიების საქმის მასალებს, - ამის შესახებ „ინტერპრესნიუსს“ საქართველოს მთავარ პროკურატურაში განუცხადეს. უფრო კონკრეტულად, „ინტერპრესნიუსი“ საგამოძიებო უწყებისგან დაინტერესდა, „ომეგა ჯგუფის“ დამფუძნებლის, ზაზა ოქუაშვილის გუშინდელი ინტერვიუს შემდეგ, დაიწყება თუ არა მის მიერ მოყვანილ ფაქტებზე გამოძიება.

შეგახსენებთ, რომ ზაზა ოქუაშვილმა ტელეკომპანია „რუსთავი 2-თან“ ინტერვიუში ყოფილი პრემიერი და პარტია „ქართული ოცნების“ თავმჯდომარე ბიძინა ივანიშვილი დაადანაშაულა და განაცხადა, რომ მას 4 მილიონს სთხოვდა. მისივე თქმით, ამ შეხვედრას თავად ბიძინა ივანიშვილის გარდა, შს მინისტრი გიორგი გახარია და სპორტის მინისტრი ლევან ყიფიანიც ესწრებოდნენ.

ამასთან, ოქუაშვილი ინტერვიუში, გიორგი გახარიასა და ვანო ჩხარტიშვილზეც საუბრობს და აცხადებს, რომ ისინი ივანიშვილის დამხმარეები იყვნენ. მისი თქმით, „პირველი ხაზი ივანიშვილთან არის უჩა მამაცაშვილი, ვანო ჩხარტიშვილი, გიორგი გახარია, ლევანი ყიფიანი მეორე ხაზზეა, ყოფილი პრემიერი გიორგი კვირიკაშვილი კი მესამე“. ოქუაშვილი აცხადებს, რომ ბიძინა ივანიშვილი მას „პატრიოტთა ალიანსის“ დაფინანსებასაც სთხოვდა.

როგორც ზაზა ოქუაშვილმა ინტერვიუში განაცხადა, მოლაპარაკებებს მასთან ბიძინა ივანიშვილის სახელით ყოფილი გენერალური პროკურორი ოთარ ფარცხალაძე აწარმოებდა, რომელიც დამატებით 4 მილიონს სთხოვდა, ამ შეხვედრის შემდეგ კი, ლევან ყიფიანი მოსალაპარაკებლად გიორგი კვირიკაშვილთან წავიდა.

მისივე თქმით, ფარცხალაძემ ლევან ყიფიანი გიორგი კვირიკაშვილთან მისვლის გამო დასაჯა და სარდაფში ჩააგდო, სადაც მასზე შეურაცხყოფა სცადეს.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო