სურსათის ეროვნული სააგენტო - აზიურ ფაროსანასთან ბრძოლა გრძელდება

გურიის რეგიონში აზიური ფაროსანას საწინააღმდეგო ღონისძიებები გრძელდება. როგორც „ინტერპრესნიუსს“ სურსათის ეროვნული სააგენტოს პრესსამსახურიდან აცნობეს, ოზურგეთისა და ლანჩხუთის მუნიციპალიტეტები თერმული ნისლის გამოყენებით მუშავდება.

შეწამვლით ღონისძიებებთან ერთად მავნებლის საწინააღმდეგოდ გამოიყენება მოსაზიდი ხაფანგები. მოსახლეობა მუდმივად იღებს ინფორმაციას მექანიკური მეთოდების შესახებ. ბრძოლის ამ ეტაპზე, როდესაც აზიური ფაროსანა ტყის პირებიდან სახლებში ინაცვლებს, განსაკუთრებით მნიშვნელოვანია მოსახლეობის ჩართულობა.

მიმდინარე კვირის განმავლობაში თერმული ნისლის ტექნოლოგიით დამუშავდება ხელვაჩაურისა და ქობულეთის მუნიციპალიტეტები აჭარის რეგიონში.

ამ დროისთვის იმერეთის, სამეგრელოს, გურიისა და აჭარის რეგიონებში სახელმწიფოს მიერ თერმული ნისლის ტექნოლოგიითა და ცივი შესხურების მეთოდით 670 ათასამდე ჰექტარი ფართობია დამუშავებული, რის შედეგადაც დასავლეთ საქართველოში მავნებლის რაოდენობა შემცირდა, გავრცელების გეოგრაფიული არეალი კი არ გაზრდილა და კვლავაც ძველ საზღვრებში რჩება.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა