„ომეგა ჯგუფის" გენერალური მენეჯერი - ფინანსთა სამინისტრო არ ახორციელებს „ოჯთ“-ის მიმართ რიცხული გადასახადების რესტრუქტურიზაციას, კომპანიას საურავის სახით 14 მლნ-მდე დაეწერა

იმის გამო, რომ ფინანსთა სამინისტრო არ ახორციელებს „ოჯთ“-ის მიმართ რიცხული გადასახადების რესტრუქტურიზაციას, კომპანიას ამ დროისთვის საურავის სახით დაეწერა 14 მილიონამდე ლარი,- ამის შესახებ "ომეგაში" გამართულ საგანგებო ბრიფინგზე განაცხადეს.

როგორც "ომეგას" გენერალურმა მენეჯერმა ლევან აღდგომელაშვილმა განაცხადა, ფინანსთა სამინისტროს განცხადებები, „ომეგასთან“ მიმართებაში არის სიცრუე.

"გასულ პარასკევს ფინანსთა სამინისტროს მიერ გაკეთებული განცხადების საპასუხოდ გვსურს მოგახსენოთ, რომ ფინანსთა სამინისტროს მიერ გაკეთებული განცხადება უხვად შეიცავს ცრუ და პოპულისტურ პასაჟებს. „ომეგა ჯგუფის" თამბაქოს წარმოება, ისევე როგორც „ომეგა ჯგუფში“ შემავალი სხვა კომპანიები, არასდროს არიდებდა თავს გადასახადებს და ყოველთვის ახორციელებდა მასზე რიცხული გადასახადების დეკლარირებას კანონის სრული დაცვით. 2015 წელს „ოჯთ“-მ ბიუჯეტში გადაიხადა 35 203 170 ლარი, ხოლო ვერ შეძლო 1 358 919 ლარის გადახდა, რომელზე დარიცხულმა საურავმაც შეადგინა 143 371 ლარი. 2016 წელს შპს „ოჯთ“-ის მიმართ რიცხულმა საურავმა შეადგინა 2 143 845 ლარი. 2017 წლის 25 აპრილს შპს „ოჯთ“-მ ვადაგადაცილებული საგადასახადო დავალიანებების რესტრუქტურიზაციის თხოვნით მიმართა ფინანსთა სამინისტროს. მთლიანი თანხა, რომლის რესტრუქტურიზაციასაც მოითხოვდა კომპანია მოიცავდა 3 მილიონ 400 ათასი ლარის ოდენობის საურავს. „ოჯთ“-ს არ უთხოვია მის მიმართ რიცხული საურავების ჩამოწერა", - აცხადებს აღდგომელაშვილი.

მისივე თქმით, კომპანიას ბიუჯეტში გადახდილი აქვს მილიარდ 500 მილიონი ლარი.

"2014-2015 წლებში „ოჯთ“-ს მიერ ბიუჯეტში გადახდილია 100 მილიონ 190 ათას 258 ლარი. კომპანიის არაერთგზის გაჩერების და ხელისუფლების მიერ არასამართლიანი კონკურენციის არასამართლიანი და მახინჯი ფორმების წახალისების შედეგად კი კომპანიამ ვერ შეძლო 38 მილიონი ლარის გადახდა ბოლო 5 წლის განმავლობაში. იმის გამო, რომ სამინისტრო არ ახორციელებს კომპანიის მიმართ რიცხული გადასახადების რესტრუქტურიზაციას, კომპანიას ამ დროისთვის საურავის სახით დაეწერა 14 მილიონამდე ლარი,- აცხადებს აღდგომელაშვილი.

ამასთან, როგორც ფინანსთა სამინისტოში განაცხადეს, შპს „ოჯთ“-მ, როგორც გადასახადის გადამხდელმა, დაარღვია გადასახადების სრულად და დროულად გადახდის ვალდებულება და საგადასახადო დავალიანება თავდაპირველად წარმოეშვა 2014 წლის ოქტომბერში, 18 444 ლარის ოდენობით. „საქართველოს ფინანსთა სამინისტრო და სსიპ შემოსავლების სამსახური ახორციელებენ კანონმდებლობით გათვალისწინებულ ღონისძიებებს, საგადასახადო დავალიანების გაზრდის აღსაკვეთად და არსებული დავალიანების ამოსაღებად. დამატებით უნდა აღინიშნოს, რომ 2018 წლის მარტში შემოსავლების სამსახურმა მიმართა თბილისის საქალაქო სასამართლოს შპს „ოჯთ“-ს დაყადაღებული ქონების რეალიზაციაზე ნებართვის მისაღებად. თბილისის საქალაქო სასამართლომ 2018 წლის ივნისში დააკმაყოფილა შემოსავლების სამსახურის მოთხოვნა, რომელიც კომპანიამ გაასაჩივრა სააპელაციო წესით. თბილისის სააპელაციო სასამართლოს 2018 წლის 25 ივლისის გადაწყვეტილებით, არ დაკმაყოფილდა კომპანიის საჩივარი და შემოსავლების სამსახურს საბოლოოდ მიეცა ნებართვა დაყადაღებული ქონების რეალიზაციაზე“,- აცხადებენ სამინისტროში.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“