პარლამენტის წევრმა ნატო ჩხეიძემ ფრაქცია „საქართველოს პატრიოტების“ შემადგენლობა ოფიციალურად დატოვა.
ჩხეიძის მიმართვა ფრაქციიდან გასვლის შესახებ ბიუროს დღევანდელ სხდომაზე წარედგინა.
იმ შემთხვევაში, თუკი ფრაქცია „საქართველოს პატრიოტებს“ რომელიმე დეპუტატი არ შეუერთდება, ფრაქცია დაიშლება, რადგან ის მინიმალური შემადგენლობით - 6 დეპუტატით არის წარმოდგენილი.
ნატო ჩხეიძის ფრაქციიდან და პარტიიდან გასვლა „ომეგა ჯგუფის“ გარშემო განვითარებულ მოვლენებს უკავშირდება. ჩხეიძე ამბობს, რომ მან თანაგუნდელებისგან მხარდაჭერა ვერ მიიღო.