ირაკლი კობახიძე უმცირესობას - ჯერ ოქუაშვილმა დაამტკიცოს, რატომ დადის ზაფხულში “დუბლიონკით“ და შემდეგ ვილაპარაკოთ, არის თუ არა საჭირო გახარიასა და ივანიშვილის დაბარება
ჯერ ზაზა ოქუაშვილმა დაამტკიცოს, რატომ დადის ზაფხულში “დუბლიონკით“ და ამის შემდეგ ვილაპარაკოთ, არის თუ არა საჭირო ამ საქმეზე გიორგი გახარიასა და ბიძინა ივანიშვილის დაბარება, - ამის შესახებ პარლამენტის თავმჯდომარემ ირაკლი კობახიძემ პარლამენტის ბიუროს სხდომაზე განაცხადა.
კობახიძეს უმცირესობის დეპუტატმა სერგო რატიანმა მიმართა, რომ “აქ მთავარია, ვინ ჩააცვა ან გახადა “დუბლიონკა“.
საპარლამენტო უმცირესობა პარლამენტში შს მინისტრისა და მთავარი პროკურორის მისვლას კიდევ ერთხელ ითხოვს.
უმცირესობის სურვილია, გიორგი გახარიამ და შალვა თადუმაძემ “ომეგა ჯგუფის“ გარშემო განვითარებულ მოვლენებსა და ასევე, ხორავას ქუჩის საქმესთან დაკავშირებით პარლამენტის საგამოძიებო კომისიის დასკვნაში ასახული რეკომენდაციების შესრულებაზე გასცენ კითხვებს პასუხი.
