AMBEBI.GE-ს ინფორმაციით, ლევან ყიფიანი აპირებს თქვას, რომ ზაზა ოქუაშვილს საკუთარი ინიციატივით ესაუბრებოდა

AMBEBI.GE-ს ინფორმაციით, სპორტისა და ახალგაზრდულ საქმეთა ყოფილი მინისტრი ლევან ყიფიანი აპირებს თქვას, რომ „ომეგა ჯგუფის“ დამფუძნებელ ზაზა ოქუაშვილთან მოლაპარაკებებს საკუთარი ინიციატივით აწარმოებდა.

„ყოფილი მინისტრი საკუთარ თავზე აიღებს პასუხისმგებლობას იმ საკითხებზე, რომელზეც საუბარი იყო მედიით გავრცელებულ ფარულ აუდიოჩანაწერებში.

კონკრეტულად კი, იმ ეპიზოდებზე სადაც "ომეგა ჯგუფის" დამფუძნებელთან ზაზა ოქუაშვილთან და სხვა პირებთან, ყოფილი მინისტრი კორუფციულ გარიგებებზე საუბრობს.

სავარაუდოდ, ზეწოლის შედეგად, ლევან ყიფიანი დაკითხვაზე აღიარებს, რომ ოქუაშვილს საკუთარი ინიციატივით ესაუბრებოდა და საკუთარ ინტერესებზე ზრუნავდა“, - წერს AMBEBI.GE ინფორმირებულ წყაროზე დაყრდნობით.

არსებული ინფორმაციით, ყიფიანი უარყოფს ე.წ სარდაფის ეპიზოდსაც.

შეგახსენებთ, რომ ლევან ყიფიანი გავრცელებულ ჩანაწერებთან დაკავშირებით დღეს საქალაქო სასამართლოში, მოსამართლის თანდასწრებით დაიკითხება. ყიფიანი სასამართლოში 16:00 საათზე უნდა მივიდეს.

იხილეთ სტატია

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი