მოზარდების მკვლელობის საქმეზე, მოწმეზე ზემოქმედებაში ბრალდებული მერაბ მორჩაძის ოჯახი მიიჩნევს, რომ ბრალდებული „სიკეთის კეთებისთვის ისჯება"

ხორავას ქუჩაზე მოზარდების მკვლელობის საქმეზე, მოწმეზე ზემოქმედებაში ბრალდებული მერაბ მორჩაძის ოჯახი მიიჩნევს, რომ ბრალდებული „სიკეთის კეთებისთვის ისჯება".

საქმესთან დაკავშირებით მორჩაძის ნათესავმა რუსუდან მორჩაძემ დღევანდელი სხდომის შემდეგ ისაუბრა და აღნიშნა, რომ მერაბ მორჩაძე უდანაშაულოა. ბრალდებულის ნათესავი ამბობს, რომ მსგავსი სიკეთის გასაკეთებლად მერაბ მორჩაძე კალანდიებს ხშირად სტუმრობდა.

"კალანდიების დედა ჩემი დეიდაშვილია. უახლოეს ნათესავთან თუ სიკეთის გაკეთება დასჯადი იყო, არ მეგონა. ეს არ მომხდარა პირველად, ეს ხდება წლების მანძილზე, და-ძმური დახმარება ყოველთვის ხდებოდა და თუ ამას უარყოფენ, ეს წარმოუდგენელია. ამიტომ ვართ გაოგნებული ოჯახის წევრები. სიკეთით ავიდა მერაბ მორჩაძე, მხოლოდ იმათი მოთხოვნით და ჩემი მოთხოვნით. მინდა საზოგადოებამ განსაზღვროს რისი გულისთვის ისჯება მერაბ მორჩაძე", - განაცხადა რუსუდან მორჩაძემ.

ხორავას ქუჩაზე მოზარდების მკვლელობის საქმეზე, მოწმეზე ზემოქმედებაში ბრალდებულ მერაბ მორჩაძის წინასასამართლო სხდომა 10 ოქტომბერს გაგრძელდება. სხდომაზე დაცვის მხარე პროკურორების იმ შუამდგომლობას უპასუხებენ, რომელიც დაცვის გარკვეული მტკიცებულებების დაუშვებლობას ეხება.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი