„მედიქლაბ ჯორჯიას"კლინიკაში, სადაც ყოფილი პრემიერი ვანო მერაბიშვილია მოთავსებული, უკვე მივიდა ოჯახის მიერ მიწვეული სამი ექიმი.

18:00 საათზე დანიშნულია „მედიქლაბ ჯორჯიას" კლინიკის ექიმების კონსილიუმი, რომელსაც ოჯახის მოთხოვნით მათ მიერ მოწვეული სამი ექიმი უნდა დაესწროს.

როგორც „ინტერპრესნიუსს" ერთ-ერთმა ექიმმა განუცხადა, ის საქართველო-ისრაელის ერთობლივი კლინიკის ექიმია. მისი თქმით, ის ონკოქირურგია და თუ მერაბიშვილის ნახვის საშუალება მიეცემა, მისი მიმართულებით შეამოწმებს პაციენტს.

„პაციენტიც არ გვინახავს ჯერ. თუ აქ არის პაციენტი, მოვითხოვთ ნახვას. სრული სპექტრი რომ შეიქმნას, საჭიროა ყველაფერი იცოდე პაციენტზე.მე ვარ ონკოქირურგი",-განაცხადა ექიმმა.