უზენაეს სასამართლოში LexisNexis-ის პრეზენტაცია გაიმართა

საქართველოს უზენაეს სასამართლოში, ევროკავშირის სასამართლო რეფორმის მხარდაჭერის პროექტის ფარგლებში, მსოფლიოში წამყვანი სამართლებრივი საძიებო პროგრამის „ლექსის-ნექსისის“ პრეზენტაცია გაიმართა, რომელსაც “ლექსის-ნექსისის” ბიზნესის განვითარების მენეჯერი აღმოსავლეთ ევროპის რეგიონში მარატ ალმაგანბეტოვი უძღვებოდა.

როგორც „ინტერპრესნიუსს“ უზენაესი სასამართლოდან აცნობეს, პროგრამის პრეზენტაციას დაესწრნენ საქართველოს უზენაესი სასამართლოს მოსამართლეები, თანაშემწეები და აპარატის სტრუქტურული ერთეულების წარმომადგენლები.

მათივე ცნობით, „ლექსის-ნექსისის“ პროგრამა არის წამყვანი გლობალური საძიებო პროვაიდერი სამართლებრივი, სარეგულაციო, ბიზნეს ინფორმაციისა და ანალიტიკის მიმართულებით, რაც ეხმარება პროფესიონალ მომხმარებლებს მიიღონ უფრო მეტად ინფორმირებული გადაწყვეტილება, გაზარდონ პროდუქტიულობა და უკეთესად მოემსახურიონ თავის კლიენტებს.

„პროგრამა საშუალებას იძლევა მომხმარებელს წვდომა ჰქონდეს ამერიკის შეერთებული შტატების, დიდი ბრიტანეთის, ევროკავშირის ქვეყნების, ადამიანის უფლებათა ევროპული სასამართლოს მნიშვნელოვან სამართლებრივ ინფორმაციასთან, რომელთა შორისაა სამართლებრივი კომენტარები, სტატიები, გადაწყვეტილებები, ინფორმაცია ინტელექტუალური საკუთრების შესახებ და მრავალი სხვა.

„ლექსის-ნექსისის“ პროგრამას ერთგვარი ,,სამართლის გუგლის“ სახელითაც იცნობენ.

„ლექსის-ნექსისის“ საძიებო პროგრამის შეძენა უზენაესი სასამართლოსთვის განხორციელდა ევროიკავშირის სასამართლოს მხარდაჭერის პროექტის ფარგლებში.

პრეზენტაცია კითხვა-პასუხის რეჟიმში წარიმართა“, - ნათქვამია ინფორმაციაში.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)