ქეთევან ციხელაშვილი - გატაცებულ ქალს ათდღიანი პატიმრობა შეეფარდა, თუმცა მასთან კომუნიკაციის შესაძლებლობა არ არსებობს, ამიტომ ოჯახს და სახელმწიფოს ბევრი კითხვა გააჩნია

შერიგებისა და სამოქალაქო საკითხებში სახელმწიფო მინისტრის ინფორმაციით, საოკუპაციო ხაზიდან გატაცებულ ქალს ათდღიანი პატიმრობა შეეფარდა, თუმცა მასთან კომუნიკაციის შესაძლებლობა არ არსებობს, ამიტომ როგორც ოჯახს, ასევე სახელმწიფოს ბევრი კითხვა გააჩნია. ქეთევან ციხელაშვილის თქმით, ყველანაირი ძალისხმევა მიმართულია იმისკენ, რომ გატაცებული ქალის მონახულება და გათავისუფლება მალე მოხდეს.

"სახელმწიფო უსაფრთხოების სამსახური ევროკავშირის სადამკვირვებლო მისიის მეშვეობით, იცით, რომ ოპერირებს ცხელ ხაზს და ამ ხაზის მეშვეობით ბოლო დღეების განმავლობაში განსხვავებული ინფორმაციებია მიღებული. ბოლო ინფორმაციით, ე.წ. ათდღიანი წინასწარი პატიმრობა აქვს შეფარდებული და ეს არ არის მისაღები მიმართულება. ძალისხმევა მიმართულია, რომ მოხდეს მისი გათავისუფლება, მას სახლში ელოდებიან არასრულწლოვანი შვილები. შემაშფოთებელია, რომ მას არ ეძლევა ტელეფონზე კომუნიკაციის შესაძლებლობა. ერთ-ერთი მნიშვნელოვანი საკითხია ცხელი ხაზის და ყველა არხის მეშვეობით მისი მდგომარეობა და მოკითხვა. მე მქონდა ოჯახთან შეხვედრა. ის გარემოება, რომ კომუნიკაციის საშუალება არ ეძლევა ოჯახს, ის, რომ ძალისმიერად არის დაკავებული ეს ქალბატონი, ძალიან ბევრი ეჭვის საფუძველს იძლევა და ოჯახსაც ძალიან ლეგიტიმურად აქვს კითხვები, ამიტომ არის ამდენი ძალისხმევა მიმართული იმისკენ რომ მოხდეს მისი მონახულება ადგილზე და გათავისუფლება",- განაცხადა ციხელაშვილმა.

შეგახსენებთ, რომ ე.წ. მესაზღვრეებმა 37 წლის მაია ოთინაშვილი 29 სექტემბერს დააკავეს. ოკუპირებული სამხრეთ ოსეთის დე ფაქტო სახელმწიფო უშიშროების კომიტეტის ინფორმაციით, მას ბრალად ე.წ. საზღვრის უკანონო გადაკვეთა ედება. მაია ოთინაშვილს ათდღიანი წინასწარი პატიმრობა მიესაჯა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო