იენს სტოლტენბერგი - საქართველო ჩვენს ყველაზე ახლო პარტნიორებს შორის არის

ჩვენ ნატო-საქართველოს კომისიის ძალიან პროდუქტიული სხდომა გვქონდა. ამის შესახებ ნატო-ს გენერალურმა მდივანმა იენს სტოლტენბერგმა ნატო-საქართველოს კომისიის სხდომის შემდეგ გამართულ პრესკონფერენციაზე განაცხადა.

„საქართველო ჩვენს ყველაზე ახლო პარტნიორებს შორის არის. ჩვენ ძალიან ვაფასებთ იმ წვლილს, რომელიც საქართველოს შეტანილი აქვს ჩვენს საერთო უსაფრთხოებაში. საქართველო ავღანეთში ჩვენი მისიის ერთ-ერთი უმსხვილესი კონტრიბუტორია“, - განაცხადა ნატო-ს გენერალურმა მდივანმა.

მისივე თქმით, ნატო-საქართველოს კომისიის ფარგლებში მხარეებმა ნატოსა და საქართველოს შორის თანამშრომლობის განვითარების საკითხი განიხილეს. „ივლისის სამიტზე ალიანსის ლიდერებმა კვლავ დაადასტურეს, რომ საქართველო ნატო-ს წევრი გახდება. ეს თანხვედრაშია 2008 წლის ბუქარესტის სამიტზე ჩვენს მიერ მიღებულ გადაწყვეტილებასთან. ნატო-ს კარი ღია რჩება“, - აღნიშნა იენს სტოლტენბერგმა.

ნატო-ს გენერალურმა მდივანმა ასევე მოუწოდა რუსეთს, უკან წაიღოს აფხაზეთისა და სამხრეთ ოსეთის აღიარება და თავისი ჯარები გაიყვანოს საქართველოს ამ ორი რეგიონიდან.

„ჩვენ ასევე მივესალმეთ იმ პროგრესს, რომელიც საქართველოს აქვს რეფორმების განხორციელებაში. კერძოდ, უსაფრთხოებისა და თავდაცვის უფრო ეფექტური ინსტიტუტები და შეიარაღებული ძალების მოდერნიზება. ნატო-საქართველოს არსებითი პაკეტი უკვე ხელს უწყობს საქართველოს თავდაცვით რეფორმებს. საქართველომ უნდა განაგრძოს რეფორმების გზა“, - დასძინა მან.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან