აშშ ირანთან 1955 წელს გაფორმებული მეგობრობის, ეკონომიკური თანამშრომლობისა და საკონსულო უფლებების შესახებ შეთანხმებიდან გამოდის და მიჩნევს, რომ თეირანი იყენებს საერთაშორისო სისხლის სამართლის სასამართლოს არადანიშნულებისამებრ პოლიტიკური და პროპაგანდისტული მიზნებისთვის. ამის შესახებ სახელმწიფო დეპარტამენტში გამოსვლისას სახელმწიფო მდივანმა მაიკ პომპეომ განაცხადა.
„ვაცხადებ, რომ შეერთებული შტატები ირანთან 1955 წელს დადებული შეთანხმების დენონსირებას ახდენს“, - აღნიშნა პომპეომ. მისი თქმით, ირანი ცდილობს ჩაერიოს შეერთებული შტატების სუვერენულ უფლებებში კანონიერი ზომების გამოყენებასთან დაკავშირებით, რომლებიც აუცილებელია საკუთარი ეროვნული უსაფრთხოების დასაცავად.