საერთაშორისო კონფერენციაზე წყლის რესურსების ეფექტიან მართვაზე იმსჯელეს

გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა წყლის რესურსების ინტეგრირებულ მართვაზე ეროვნული პოლიტიკური დიალოგის საკოორდინაციო კომიტეტის რიგით მეექვსე შეხვედრა მისასალმებელი სიტყვით გახსნა. ამის შესახებ „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს.

ნინო თანდილაშვილის განცხადებით, ქვეყანაში, სადაც გარემოს დაცვა პრიორიტეტულ მიმართულებას წარმოადგენს, წყლის რესურსების ეფექტიანი მართვა განსაკუთრებულ მნიშვნელობას იძენს.

უწყების ცნობით, შეხვედრაზე მინისტრის მოადგილემ „წყლის რესურსების მართვის შესახებ“ კანონპროექტის მნიშვნელობაზე, ქვეყნის მასშტაბით წყლის რესურსების ეფექტიან მართვასა და აღნიშნულ პროცესში მუნიციპალიტეტების ჩართულობის აუცილებლობაზე ისაუბრა. ნინო თანდილაშვილმა დონორ ორგანიზაციებს კანონპროექტის შემუშავებაში გაწეული დახმარებისა და მხარდაჭერისათვის მადლობა გადაუხადა.

როგორც გაეროს ევროპის ეკონომიკური კომისიის (UNECE) გარემოსდაცვითი დეპარტამენტის დირექტორმა, მარკო კეინერმა აღნიშნა, წყლის რესურსების მართვის მიმართულებით საქართველო სწორად ვითარდება. უკვე შემუშავებულია კანონპროექტი, რაც დიდი ნახტომია ქვეყნის მომავლისთვის და ქმნის საფუძველს, UNECE-ის მხრიდან მეტი მხარდაჭერისთვის.

შეხვედრა გაეროს ევროპის ეკონომიკური კომისიის (UNECE) და ევროკავშირის წყლის ინიციატივა პლუსი აღმოსავლეთი პარტნიორობისთვის (EUWI+) პროექტის ფარგლებში გაიმართა.

შეხვედრაში სხვადასხვა სამინისტროს, გაეროს ევროპის ეკონომიკური კომისიის, საქართველოში ევროკავშირის დელეგაციის, ეკონომიკური თანამშრომლობისა და განვითარების ორგანიზაციის, არასამთავრობო ორგანიზაციებისა და საქართველოში წყლის რესურსების მართვის სფეროში მიმდინარე საერთაშორისო პროექტების წარმომადგენლები მონაწილეობდნენ.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს