ანა დოლიძე - დღეს ვხედავთ ჩვენი პოლიტ-ეკონომიკური ელიტის მორალური კოლაფსის სურათს - თუ ვირწმუნებთ ლევან ყიფიანის ვერსიას, ეს მორალურად მიუღებელია

დღეს ვხედავთ ჩვენი პოლიტ-ეკონომიკური ელიტის მორალური კოლაფსის სურათს. ჩვენი სახელმწიფო იმართება ელიტის მიერ, რომელსაც ზნეობა არ აქვს, - ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ „ინტერპრესნიუსს“ სპორტის ყოფილი მინისტრის ლევან ყიფიანის განცხადებებთან დაკავშირებით განუცხადა. მისი თქმით, ამ საქმეზე ნებისმიერი ვერსია მისთვის, როგორც მოქალაქისთვის, მორალურად მიუღებელია და სახელმწიფოსთვის დამანგრეველია.

„დღეს ვხედავთ ჩვენი პოლიტ-ეკონომიკური ელიტის მორალური კოლაფსის სურათს. თუ ვირწმუნებთ ლევან ყიფიანის ვერსიას, ეს მორალურად მიუღებელია ჩემთვის და ჩვენი მოქალაქეების უმეტესობისთვისაც. თუ არ ვირწმუნებთ და ვიფიქრებთ, რომ ის ზეწოლის ქვეშ არის სცილასა და ქარიბდას შორის უნდა გაეკეთებინა არჩევანი, ასეთ შემთხვევაში ეს სურათს ხატავს იმისას, რომ პოლიტიკურ-ეკონომიკური ელიტა ღრმად არის ჩაბმული კორუფციაში, გარიგებებში და სახელმწიფო აზროვნებასთან მათ კავშირი არ აქვთ. ამ მხრივ ეს ძალიან ყურადსაღები სკანდალია.

ნებისმიერ შემთხვევაში, გაჩენილ კითხვებს პასუხი უნდა გასცეს ვისაც ეს ევალება - პროკურატურამ. იმიტომ იღებენ ისინი ხელფასს. ყველა ვერსიაში, რაც ჩვენს წინაშე გაიშალა, გინდ ოქუაშვილის, გინდ „ქართული ოცნების“ და გინდ ლევან ყიფიანის ვერსიაში ჩვენ ვიღებთ რას - ჩვენი პოლიტიკური და ეკონომიკური ელიტა გადაჯაჭვულია, სახელმწიფოსთვის დამანგრეველია და საქმე გვაქვს სერიოზულად გამყარებულ ოლიგარქიასთან. სარდაფი არსებობდა თუ არ არსებობდა - ნებისმიერ შემთხვევაში, როგორც მოქალაქისთვის, ეს არის აღმაშფოთებელი. ჩვენი სახელმწიფო იმართება ელიტის მიერ, რომელსაც ზნეობა არ აქვს,“ - განაცხადა ანა დოლიძემ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო