თელავში ტიხრული მინანქრის გამოფენა გაიხსნა

თელავის მუნიციპალიტეტის მერიის მხარდაჭერით, „თელავის ღვინის მარანი“-სა და ტიხრული მინანქრის სკოლა-სახელოსნო „სხივი“-სორგანიზებით, თელავის ისტორიული მუზეუმის საკონფერენციო დარბაზში გაიმართა სკოლა-სახელოსნო „სხივი“-ს კურსდამთავრებულთა ნამუშევრების გამოფენა - "რთველი". ტიხრული მინანქრით დაინტერესება თელავში დღითიდღე მატულობს და როგორც სკოლა-სახელოსნო „სხივი“-ს ხელმძღვანელი თეა ზუკაკიშვილი აღნიშნავს, მისი შესწავლის მსურველების რიცხვიც ყოველდღიურად იზრდება.

თელავის მუნიციპალიუტეტის მერიის პრესსამსახურის ინფორმაციით, გამოფენაზე წარმოდგენილი ნამუშევრების დათვალიერებასთან ერთად, სტუმრებს საშუალება ჰქონდათ მოესმინათ თელაველი მაესტროს - ჯუმბერ სახეიშვილის მიერ შესრულებული მუსიკალური კომპოზიციები.

ღონისძიებას ესწრებოდნენ თელავის მუნიციპალიტეტის მერი შოთა ნარეკლიშვილი, საკრებულოს თავმჯდომარე არჩილ თხლაშიძე, თელავის მუნიციპალიტეტის კულტურის, განათლების, სპორტისა და ახალგაზრდობის საქმეთა სამსახურის უფროსი ფიქრია ყუშიტაშვილი, ადგილობრივი ხელისუფლების წარმომადგენლები და დაინტერესებული პირები. გამოფენა 13 ოქტომბრამდე გაგრძელდება.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 24.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ