ზვიად ძიძიგური - ჩემთვის ამ კომბინაციას, რასაც ბატონი ოქუაშვილი ატარებს, ჰქვია როგორ შევიტყაპუნოთ 51 მილიონი

ჩემთვის ამ კომბინაციას, რასაც ბატონი ოქუაშვილი ატარებს, ჰქვია როგორ შევიტყაპუნოთ 51 მილიონი. აქციებს აწყობს, აქციები მომეცითო, ეს არის თავხედობა, - ამის შესახებ „ტვ პირველის“ ეთერში პარლამენტის ვიცე-სპიკერმა ზვიად ძიძიგურმა განაცხადა. მისი თქმით, დღეს სამხარაულის ბიურომ დაადასტურა რომ ჩანაწერები ყალბი და შეკოწიწებულია, „რაღაცა ტიპის კომბინაციებია ჩატარებული“.

„ზაზა ხატიაშვილმა კი, რომელსაც ვერავინ დასწამებს „ქართული ოცნების“ გუნდის მიმართ ლოიალურობას, ტვ პირველის ეთერში თქვა, რომ 2-წუთიანი მონაკვეთი 7-ჯერ არის დამონტაჟებული. ასეთი ტიპის ჩანაწერებზე კოშკების აგება, რომ აი როგორი სისტემური კორუფციაა, როგორ მიდის ყველა კოლოფი სიგარეტიდან ფული ქართული ოცნების სალაროში, ეს არ არის სწორი. არ მიყვარს იმ 9 წლის გახსენება, იმუნიტეტი მაქვს 9 წელზე გამომუშავებული, მაგრამ მე პირადად იმუნიტეტი ასეთი ტიპის ჩანაწერებზეც მაქვს გამომუშავებული. მთელი ამდენი ხნის განმავლობაში გამოვარდებოდა ეკრანზე რაღაცა ტიპის ჩანაწერები, სადაც ვიღაცა ვიღაცას ელაპარაკებოდა, მერე ეს იყო რუსეთის ჯაშუში, მეორე იყო მესოპოტამიის აგენტი, მეხუთე კიდევ რაღაცა და პოლიტიკური ცხოვრება იყო ამაზე აწყობილი და მე ამაზე იმუნიტეტი მაქვს“, - განაცხადა ზვიად ძიძიგურმა.

მისი თქმით, გამოძიება დაწყებულია და მთავარი ფიგურანტი, ვინც უნდა დაიკითხოს, ჯერ ეს არის ოქუაშვილი. რაც შეეხება ლევან ყიფიანის ეპიზოდს, ზვიად ძიძიგურის თქმით, იგი ერთ-ერთი მოწმეა იმ ცოტა მოწმეებს შორის. „ლევან ყიფიანის ეპიზოდზე თუ კიდევ ვინმე დასაკითხია, მიეცით პროკურატურას ამის საშუალება, რომ გადაწყვიტოს ეს ამბავი თუ მასზე ძალადობა მოხდა, შეურაცხყოფა მიაყენეს რა თქმა უნდა ეს დაკითხვა მოხდება“ - განაცხადა ზვიად ძიძიგურმა.

ძიძიგურის მიერ გაკეთებულ განცხადებას პარლამენტის პრესსამსახური ავრცელებს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო