ქვემო ქართლში 38 ძროხის ქურდობის ბრალდებით 3 პირი დააკავეს,  2 კი ამხილეს

შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს, დმანისის და მარნეულის რაიონული სამმართველოების თანამშრომლებმა რეგიონში ბოლო ორი კვირის განმავლობაში მომხდარი მსხვილფეხა რქოსანი პირუტყვის ქურდობის რამდენიმე ფაქტი გახსნეს.

სამართალდამცველებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ქურდობის ბრალდებით 3 პირი დააკავეს, 2 კი ამავე დანაშაულის ჩადენაში ამხილეს.

1975 წელს დაბადებულმა, წარსულში მრავალჯერ ნასამართლევმა და ამჟამად პირობითი მსჯავრის ქვეშ მყოფმა ნ.ნ.-მ რუსთავში მდებარე ფერმიდან 12 ძროხა მოიპარა. სამართალდამცველებმა იგი მოსამართლის განჩინების საფუძველზე დააკავეს. 1988 წელს დაბადებული ტ.მ. და 1988 წელს დაბადებული კ.ს. კი პოლიციამ მოპარული ძროხების რეალიზაციის დროს დააკავა. გამოძიებამ დაადგინა, რომ ბრალდებულებმა დმანისში 10 სული მსხვილფეხა რქოსანი პირუტყვი მოიპარეს.

სამართალდამცველებმა დმანისში 11 სული ძროხის ქურდობის ფაქტზე ამხილეს 1988 წელს დაბადებული, წარსულში ანალოგიური დანაშაულისთვის ნასამართლევი ს.ჩ.

ასევე, მარნეულში, 5 მსხვილფეხა რქოსანი პირუტყვის ქურდობის ფაქტზე ამხილეს 1973 წელს დაბადებული ა.ჰ., რომელიც წარსულში ნარკოდანაშაულისთვის იხდიდა სასჯელს.

პოლიციამ ხუთივე პირის მიერ მოპარული 38-ვე ძროხა მეპატრონეებს დაუბრუნა.

გამოძიება სსკ-ს 177-ე მუხლი მე-2 ნაწილის „ა“, „ბ“ ქვეპუნქტებით, 177-ე მუხლის მე-2 ნაწილის „ა“ და მე-3 ნაწილის „ა“ ქვეპუნქტით, სადგომში ან სხვა საცავში უკანონო შეღწევით ჩადენილი ქურდობის და ჯგუფურად ჩადენილი ქურდობის ფაქტებზე მიმდინარეობს, რამაც მნიშვნელოვანი ზიანი გამოიწვია.

ჩადენილი დანაშაული 3-დან 7 წლამდე ვადით თავისუფლების აღკვეთას ითვალისწინებს.

იხილეთ ვიდეო: 38 ძროხის ქურდობის ბრალდებით 3 პირია დაკავებული, 2 კი ამხილეს

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს