პარლამენტის ბიუროს უახლოეს სხდომაზე წარედგინება საკანონმდებლო პაკეტი, რომლის საფუძველზეც საგანგებო სიტუაციების მართვის სამსახური შს სამინისტროში ბრუნდება

პარლამენტის ბიუროს 8 ოქტომბრის სხდომაზე წარედგინება მთავრობის საკანონმდებლო პაკეტი, რომლის თანახმად, პრემიერ-მინისტრის უშუალო დაქვემდებარებაში არსებული სპეციალური დანიშნულების სახელმწიფო დაწესებულება - საგანგებო სიტუაციების მართვის სამსახური შინაგან საქმეთა სამინისტროს სახელმწიფო საქვეუწყებო დაწესებულება ხდება. ამასთან, საგანგებო სიტუაციების მართვის სამსახურის გადასახდელები სახელმწიფო ბიუჯეტში გათვალისწინებული იქნება ცალკე პროგრამული კოდით, კანონმდებლობით დადგენილი წესის შესაბამისად.

“სამოქალაქო უსაფრთხოების შესახებ“ კანონში დაგეგმილი ცვლილების მიხედვით, უცვლელი რჩება სამსახურის როლი მატერიალური რეზერვების მართვის საკითხთან მიმართებით.

საგანგებო სიტუაციების მართვის სამსახურის სფეროში იარსებებს საჯარო სამართლის იურიდიული პირი - სახელმწიფო რეზერვებისა და სამოქალაქო უსაფრთხოების სერვისების სააგენტო, რომლის ძირითადი ფუნქციაც იქნება სამოქალაქო უსაფრთხოების სფეროში სახელმწიფო მომსახურების გაწევა, სახელმწიფო მატერიალური რეზერვების შექმნასთან, მართვასთან, შენახვასა და გამოყენებასთან დაკავშირებული საოპერაციო პროცედურების განხორციელება, აგრეთვე საგანგებო სიტუაციების მართვის სამსახურის განვითარების ხელშეწყობა და კანონმდებლობით განსაზღვრული სხვა ფუნქციების შესრულება.

პროექტის თანახმად, სახელმწიფო რეზერვებისა და სამოქალაქო უსაფრთხოების სერვისების სააგენტოს უფროსს მინისტრი ნიშნავს, ხოლო თავად საგანგებო სიტუაციების მართვის სამსახურის უფროსს შინაგან საქმეთა მინისტრის წარდგინებით თანამდებობაზე ნიშნავს და თანამდებობიდან ათავისუფლებს პრემიერ-მინისტრი.

2019 წლის სახელმწიფო ბიუჯეტის პროექტის მიხედვით, საგანგებო სიტუაციების მართვის სამსახურისთვის გათვალისწინებულია 87,600 ათასი ლარი, მომუშავეთა რიცხოვნობა კი განსაზღვრულია 4 573 ერთეულით.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო