ირაკლი კობახიძე “ნაციონალურ მოძრაობას“ - თქვენს მირზა სუბელიანს ნიკა გვარამიამ იმუნიტეტი მიანიჭა

თქვენს მირზა სუბელიანს ნიკა გვარამიამ იმუნიტეტი მიანიჭა, - ამ განცხადებით ბიუროს სხდომაზე, პარლამენტის თავმჯდომარე ირაკლი კობახიძემ “ნაციონალური მოძრაობის“ წარმომადგენელს, ნიკა მელიას მიმართა.

“გუშინ სპექტაკლი დადგა ნიკა გვარამიამ, რომელიც დღეს იმუნიტეტს უცხადებს თქვენს მირზა სუბელიანს“, - განაცხადა კობახიძემ.

პარლამენტის თავმჯდომარემ ბიუროს სხდომაზე ისიც თქვა, რომ 28 ოქტომბრის არჩევნები თავისი შედეგით “ნიკა გვარამიას გაფითრებული სახით დასრულდება“.

“ჩვენ ოპონენტებს შევთავაზეთ, რომ ნორმალური, ჯანსაღი წინასაარჩევნო კამპანია გვეწარმოებინა, როგორც ეს დამახასიათებელია განვითარებული ქვეყნებისთვის. ამის პასუხი არის შავი კამპანია და მიუღებელი რიტორიკა. სალომე ზურაბიშვილია, ვის მიმართაც წარმოებს ბინძური შავი კამპანია. ეს ის სპექტაკლებია, რასაც ყოვედღიურ რეჟიმში, ნიკა გვარამიას შესრულებით ვხედავთ. ეს ყველაფერი დასრულდება იმ შედეგით, რომლითაც დასრულდებოდა - დასრულდება ნიკა გვარამიას გაფითრებული სახით 29 ოქტომბერს, თუმცა სჯობდა, ჯანსაღი საარჩევნო კამპანიით დასრულებულიყო“, - განაცხადა ირაკლი კობახიძემ.

მირზა სუბელიანთან დაკავშირებული ჩანაწერი და მასში ასახული საუბრის შინაარსი პარლამენტის ბიუროს სხდომაზე მწვავე კამათისა და ურთიერთბრალდებების საგანი გახდა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა