აშშ შეშფოთებულია ჩინეთის მხრიდან სამხრეთ ჩინეთის ზღვის მილიტარიზაციით, - ამის შესახებ აშშ-ს თავდაცვის მდივანმა ჯეიმს მატისმა განაცხადა.

„ჩვენ ძალიან შეშფოთებულნი ვართ სამხრეთ ჩინეთის ზღვის მილიტარიზაციით. როგორც აშშ-ს ვიცე-პრეზიდენტმა გასულ კვირას ბრძანა, ჩვენ ვიმედოვნებთ, რომ ჩინეთთან ურთიერთობები წარიმართება სამართლიანობის, სუვერენიტეტის პატივისცემის საფუძველზე, რაც საერთაშორისო ნორმების დაცვასა და ყველა ქვეყნის დამოუკიდებლობის პატივისცემას გულისხმობს“, - განაცხადა აშშ-ს თავდაცვის მდივანმა.

ჯეიმს მატისმა ასევე აღნიშნა, რომ ჩინეთი და აშშ ორი მნიშვნელოვანი ძალაა და საჭიროა ეფექტური ურთიერთქმედების გზების გამონახვა.

„ჩვენ ორი მნიშვნელოვანი, ორი ეკონომიკური ძალა ვართ. მოვა დრო, როდესაც ერთმანეთის კვალდაკვალ ვიქნებით და ამიტომაც საჭიროა ჩვენს ურთიერთობებში ეფექტური ურთიერთქმედების გზების გამონახვა. კონტაქტებს სამხედრო სფეროში მასტაბილირებელი ძალა უნდა ჰქონდეს ორ ქვეყანას შორის ურთიერთობებში“, - აღნიშნა მან.