პარლამენტის იურიდიულ საკითხთა კომიტეტის თავმჯდომარე ეკა ბესელია გირგვლიანის და ხორავას ქუჩაზე მომხდარი საქმეების შედარებას ცინიზმს უწოდებს.
ბესელია გამოეხმაურა პრეზიდენტ გიორგი მარგველაშვილის განცხადებას, რომელმაც თქვა, რომ „ზაზა სარალიძე ირინა ენუქიძის მსგავსად ჩვენი შვილების სიცოცხლეს იცავს".
„ეს არის ცინიზმი, რადგან გირგვლიანი მოკლა პოლიტიკურმა სისტემამ. ის იყო სისტემის მსხვერპლი. გირგვლიანის საქმე სტრასბურგის სასამართლომ შეაფასა როგორც სისტემური დანაშაული. ეს ტრაგედია კი მოხდა ბავშვებში და ხელისუფლების არც ერთი წარმომადგენელი ამ დანაშაულში არ მონაწილეობდა. ჩვენ ყველა ვართ დაინტერესებული, რომ სასამართლომ დაადგინოს მართლმსაჯულება ამ საკითხზე", - განაცხადა ბესელიამ.