სერგეი ლავროვი - თუკი მათ ჩვენი გაგდება სურთ, ჩვენ ასე არავის გავახარებთ და ევროპის საბჭოს თავად დავტოვებთ

თუკი მათ ჩვენი გაგდება სურთ, ჩვენ ასე არავის გავახარებთ და ევროპის საბჭოს თავად დავტოვებთ, - ამის შესახებ რუსეთის პირველმა დიპლომატმა სერგეი ლავროვმა „ევრონიუსს“ განუცხადა. მისი თქმით, თუკი ევროპის საბჭოში რუსეთის გარიცხვის საკითხი დადგება, ის ორგანიზაციას თავად დატოვებს.

ლავროვის განცხადებით, რუსეთი ევროპის საბჭოს ყველა წარმომადგენელს არალეგიტიმურად ჩათვლის, რომლებსაც რუსეთის დელეგაციის მონაწილეობის გარეშე აირჩევს. კონკრეტულად კი, რუსეთის საგარეო საქმეთა მინისტრმა 2019 წელს დაგეგმილი ევროპის საბჭოს გენერალური მდივნის არჩევნები იგულისხმა. მისი თქმით, რუსეთი შეეცდება დაბლოკოს მასზე სანქციების შესაძლო დაწესების საკითხი ევროპის საბჭოს მინისტრთა კომიტეტის მეშვეობით.

„ჩვენ შევთავაზებთ, რომ მინისტრთა კომიტეტმა მიიღოს გადაწყვეტილება, რომელიც ადასტურებს ამ წესდების დებულების ურღვევობას, რომელიც ყველა დელეგაციის უფლების თანასწორობას ეხება. თუკი ასეთი გადაწყვეტილება დაიბლოკება, ეს იქნება ნაბიჯი, რომელიც შეგნებულად გადადგეს მათ, ვისაც თავისი ანტირუსული განწყობით სურს ევროპის საბჭოს დასამარება“, - განაცხადა ლავროვმა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ