მრჩება განცდა, რომ „ქართული ოცნების“ რომელიღაც პიარ-ოთახიდან იმართება პროკურატურაც, უშიშროების სამსახურიც, პოლიციაც, რამდენიმე ტელევიზიაც, სამინისტროც და თვითონ ბახტაძეც, - ამის შესახებ „პალიტრანიუსის“ გადაცემაში „360 გრადუსი“ საპრეზიდენტო კანდიდატმა დავით უსუფაშვილმა განაცხადა. მისი თქმით, ყველა განცხადება და ქმედება, მათ შორის უწყებების, ემსახურება „ქართული ოცნების“ მიერ მხარდაჭერილ კანდიდატს. უსუფაშვილის განცხადებით, ამ თამაშში მოქმედი პრემიერი შესაწირი „პაიკია“.
„მრჩება განცდა, რომ „ქართული ოცნების“ რომელიღაც პიარ-ოთახიდან იმართება პროკურატურაც, უშიშროების სამსახურიც, პოლიციაც, რამდენიმე ტელევიზიაც, სამინისტროც და თვითონ ბახტაძეც. იმ განცხადებებს და ნაბიჯებს დგამენ, რომელიც მმართველი პარტიის ვითომც და დამოუკიდებელი კანდიდატის წარმატებას ემსახურება მათი ჭკუით. იმ პიარში რომ სხედან, სულ არ აღელვებთ ბახტაძის ხვალინდელი ბედი და შესაძლოა მორიგი შესაწირი პაიკი იყოს ჩვენი პრემიერი“, - განაცხადა დავით უსუფაშვილმა.