კახა კალაძე ბოტანიკურ ბაღში პურის ფესტივალს დაესწრო

საქართველოს ეროვნულ ბოტანიკურ ბაღში პურის ფესტივალი გრძელდება. ღონისძიებას დედაქალაქის მერი კახა კალაძე, მოადგილე მაია ბითაძესთან ერთად დაესწრო.

როგორც „ინტერპრესნიუსს“ თბილისის მერიიდან აცნობეს, მერმა, კახა კალაძემ ფესტივალის ფარგლებში, სხვადასხვა კომპანიის მიერ წარმოდგენილი პური დააგემოვნა და მწარმოებლებს გაესაუბრა.

„ძალიან მნიშვნელოვანია, რომ დედაქალაქში პირველად იმართება პურის ფესტივალი. ბოტანიკურ ბაღში, ორი დღის განმავლობაში ხალხმრავლობაა. აქ წარმოდგენილია სხვადასხვა ჯიშის, ქართული პურის სახეობები. დაახლოებით, 150-მდე ჯიშის პურის სახეობა იყო საქართველოში, თუმცა სამწუხაროდ, დღეს მხოლოდ 53 სახეობა მოიპოვება. ბოტანიკის ინსტიტუტში ხდება მათი შენახვა, გამრავლება, შემდეგ კი ფერმერებს გადაეცემათ, რათა ეს ყველაფერი საბოლოოდ პურის სახით მოვიდეს ჩვენამდე. კარგია, რომ ამდენი ადამიანი, ბევრი ტურისტია ფესტივალზე და მიხარია, რომ შემოდგომის ამ მზიან დღეს ასეთი კარგი განწყობაა“, - განაცხადა კახა კალაძემ.

მერის მოადგილის მაია ბითაძის თქმით კი, ფესტივალის მიზანია, როგორც ხორბლის უძველესი ქართული ჯიშების, ასევე, საქართველოს ეროვნული ბოტანიკური ბაღის პოპულარიზაციის გაზრდა.

„ამ ღონისძიების მიზანია, ქართული ხორბლის პოპულარიზაცია. 25-მდე კომპანიას აქვს წარმოდგენილი თავისი პროდუქტი და ვფიქრობ, ეს ხელს შეუწყობს, ერთი მხრივ, ხორბლის უძველესი ქართული ჯიშების პოპულარიზაციას, ასევე, მეორე მხრივ, ბოტანიკური ბაღის ტურისტული მიმზიდველობის გაზრდას“, - აღნიშნა მაია ბითაძემ.

თბილისის მერიის ცნობით, დღესვე, ფესტივალის ფარგლებში, ქართული ხორბლის მწარმოებელთა გაერთიანებამ, რომელიც გადაშენების პირას მყოფი ძველი ქართული ჯიშის ხორბლის და მივიწყებული მარცვლეული კულტურების აღდგენის მიმართულებით მუშაობს, ფერმერებს ქართული ხორბლის ენდემური სახეობები და ადგილობრივი ჯიშები საზეიმოდ გადასცა.

ბოტანიკური ბაღის დირექტორის თამაზ დარჩიძის ინფორმაციით კი, პურის ფესტივალი ტრადიციულ სახეს მიიღებს.

ფესტივალს მერთან ერთად, საკრებულოს წევრი ბექა დავითულიანი სტუმრობდა.

როგორც თბილისის მერიის ინფორმაციაშია აღნიშნული, საქართველოს ეროვნულ ბოტანიკურ ბაღში პირველი პურის ფესტივალი უკვე მეორე დღეა მიმდინარეობს. ბოტანიკური ბაღის კოლექციაში უძველესი, იშვიათი და გადაშენების პირას მისული ქართული მარცვლოვანი კულტურები ინახება. ფესტივალის იდეის წარმოშობა სწორედ ამან განაპირობა.

მათივე ცნობით, ღონისძიების ფარგლებში, საქართველოში მოქმედ პურის მწარმოებელ კომპანიებს საკუთარი პროდუქციის წარდგენის შესაძლებლობა მიეცათ.

პურის ფესტივალი ბოტანიკური ბაღის ღია სადღესასწაულო სივრცეში მიმდინარეობს, სადაც წარმოდგენილია, როგორც ბოტანიკური ბაღის ქართული მარცვლოვანი კულტურები, ასევე, ქართული და უცხოური პური,რომელიც საქართველოში იწარმოება.

ფესტივალი თბილისის მერიისა და ქართული გენეტიკის სურსათი „გემოვანის“ მხარდაჭერით ტარდება.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა