ქალაქ თეთრიწყაროში დუმბაძის ქუჩის და მიმდებარე 3 ჩიხის მოასფალტება მიმდინარეობს, პროექტის ფარგლებში მოიხრეშება გზის გვერდულებიც. ამის შესახებ „ინტერპრესნიუსს“ თეთრიწყაროს მუნიციპალიტეტიდან აცნობეს.

„მიმდინარე წელს განხორციელდა ქალაქ თეთრიწყაროში ჯავახიშვილის ქუჩის დარჩენილი ნაწილის და მიმდებარე 2 ჩიხის რეაბილიტაციაც, პროექტის ფარგლებში მოასფალტდა საავტომობილო გზა და მოეწყო სანიაღვრე არხები. საერთო ჯამში ორივე ქუჩაზე რეაბილიტაცია ჩაუტარდა 1 კმ-მდე საავტომობილო გზას. განხორციელებული სამუშაოების ღირებულება ხელშეკრულებით 318 315 ლარს შეადგენს“, - ნათქვამია განცხადებაში.