ბიძინა ივანიშვილი - ნახეთ, როგორ იქცევა დღევანდელი პოლიცია ბოლო მიტინგებზე, როგორი კულტურულია, იტანენ შეურაცხყოფას და როგორი დასაფასებლები არიან

ნახეთ როგორ იქცევა დღევანდელი პოლიცია ბოლო მიტინგებზე, როგორი კულტურულია, იტანენ შეურაცხყოფას და როგორი დასაფასებლები არიან, – ამის შესახებ პარტია „ქართული ოცნების“ თავმჯდომარემ, ბიძინა ივანიშვილმა სამი ტელეკომპანიის ჟურნალისტისთვის მიცემულ ინტერვიუში განაცხადა.

„ზოგადად, უნდა მოვიშველიოთ ინსტიტუტები, რომლებიც აკეთებენ კვლევებს, უნდა გავაკეთოთ შედარებები. ვისაუბროთ ოქტომბერში გამოქვეყნებულ მსოფლიო მმართველობის ინდიკატორებზე, მსოფლიო ბანკმა გააკეთა ის და ივანიშვილი ვერ ჩააწყობდა ალბათ. ანგარიშით ირკვევა, რომ საქართველო 190 ქვეყანას შორის მე–19 ადგილზეა კორუფციასთან ბრძოლის კუთხით და უსწრებს ევროკავშირის წევრ 13 სახელმწიფოს. 17 ოქტომბერს უკვე მსოფლიოს ეკონომიკურმა ფორუმმა გამოაქვეყნა სხვა ანგარიში, რომელშიც წერია, რომ საქართველო საზოგადოების დაცულობით მე–15 ადგილზეა. „ნაციონალების“ დროს, 2012 წელს მსოფლიოში საქართველო 70 ყველაზე მაფიოზურ ქვეყანას შორის იყო. ამავე კვლევაში მკვლელობების ნაკლებობის ინდექსით ევროპის საუკეთესო 20–ეულში მოვხვდით. ასევე, პოლიციის სანდოობის ინდექსით ოცეულში მოვხვდით. თქვენი მეუღლე რომ პოლიციაში მუშაობდა გახსოვთ ალბათ როგორ დევნიდნენ და ხოცავდნენ მოქალაქეებს, ქალბატონო ეკა(კვესიტაძე), ნახეთ, გაიხსენეთ, როგორ იქცევა დღევანდელი პოლიცია ბოლო მიტინგებზე, როგორი კულტურულია. იტანენ შეურაცხყოფებს, როგორი დასაფასებლები არიან. მაფიოზურ სახელმწიფოებში შედიოდა საქართველო 2012 წელს და ეს ჩემი დაწერილი არ არის“, – განაცხადა ბიძინა ივანიშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს