მიხეილ სააკაშვილი - მე კი არ უნდა მითხრათ, ჩამოდი, მოგვაშორე ივანიშვილიო, რა ჰქვია მოგაშოროთ, თქვენ რას მიკეთებთ მანდ? - სახლიც ხომ არ დაგილაგოთ და მაცივარი გაგიწმინდოთ?
მე კი არ უნდა მითხრათ, ჩამოდი, მოგვაშორე ივანიშვილიო. რა ჰქვია მოგაშოროთ, თქვენ რას მიკეთებთ მანდ? გაინძერით და თქვენ თვითონ მოაშორეთ თქვენი კონსტიტუციური უფლებით, - ამის შესახებ საქართველოს ყოფილმა პრეზიდენტმა მიხეილ სააკაშვილმა ფეისბუქის საკუთარ გვერდზე პირდაპირი ჩართვისას განაცხადა.
მიხეილ სააკშვილი დარწმუნებულია, რომ ეს მისი ბოლო პირდაპირი ჩართვაა საქართველოს ფარგლებს გარეთ. მისივე თქმით, გრიგოლ ვაშაძეს არჩევნები უკვე მოგებული აქვს.
„დარწმუნებული ვარ, ეს არის ჩემი ბოლო ლაივი საქართველოს ფარგლებს გარეთ. ხვალ არის დიდი დღე, ძალიან მაგარ განწყობაზე ვარ. ასეთი ტალღა, ასეთი აღმაფრენა, სულისკვეთება, სიძლიერე „ვარდების რევოლუციის“ შემდეგ არ ყოფილა. ჩვენ ეს არჩევნები უკვე მოგებული გვაქვს. ივანიშვილის პოლიტიკურ მომავალს აღარ ჰყავს დედა. მე კი არ უნდა მითხრათ, ჩამოდი, მოგვაშორე ივანიშვილიო. რა ჰქვია მოგაშოროთ, თქვენ რას მიკეთებთ მანდ? გაინძერით და თქვენ თვითონ მოაშორეთ თქვენი კონსტიტუციური უფლებით. სახლიც ხომ არ უნდა დაგილაგოთ და მაცივარი გაგიწმინდოთ? ივანიშვილი ხომ არ ვარ, რომ მოგატყუოთ. მე არ გპირდებით, რომ თქვენ ნაცვლად გადავწყვეტ საქართველოს პრობლემებს. არავინ არაფერი არ უნდა მოგაშოროთ. თქვენ თვითონ წახვალთ ხვალ არჩევნებზე და მოაშორებთ ამ ფაროსანებს. მეგობრებო, ივანიშვილი თქვენზე მეტად ნერვიულობს. სრულ პანიკაშია. ნახეთ, ერთი მეორეზე უარესი ინტერვიუები მისცა. სპორტის სასახლე ვერ გაავსო, რომელსაც ყველა ავსებს ნათელაშვილით დაწყებული, ბურჯანაძით დამთავრებული. ასე, რომ ჩვენ კი არა, ივანიშვილს აქვს სანერვიულო,“ - განაცხადა მიხეილ სააკაშვილმა.
