ადამიანის უფლებათა დაცვის კომიტეტის სხდომაზე ხმაური იყო. სხდომაზე „ევროპული საქართველოს" წევრმა, სერგო რატიანმა განცხადება გააკეთა ოთარ ფარცხალაძისთვის ბრალის დაგვიანებით წარდგენასთან დაკავშირებით და აღნიშნა, რომ ამ საქმის გამო ამომრჩეველი გასცემს ხელისუფლებას პასუხს.
კომიტეტის თავმჯდომარის მოადგილემ, რატი იონათამიშვილმა სერგო რატიანს „ნაციონალური მოძრაობის" მმართველობა შეახსენა და უთხრა, რომ რატიანმა გადაწყვიტა შოუს მოწყობა კომიტეტზე.
თავის მხრივ, სერგო რატიანის თქმით, გრიგოლ ვაშაძის პრეზიდენტობა იმის გარანტი იქნება, რომ საქართველოს არ ეყოლება პრეზიდენტი, რომელიც იტყვის, რომ საქართველომ დაიწყო ომი.
სერგო რატიანს უმრავლესობის არაერთმა დეპუტატმა უპასუხა უმრავლესობიდან და ყველა მათგანმა რატიანს „ნაციონალური მოძრაობის" მმართველობა შეახსენა.
დავით მათიკაშვილმა გრიგოლ ვაშაძეს რუსული „რბილი ძალის“ წარმომადგენელი უწოდა.