პატრიარქი პოლონეთის რესპუბლიკის სეიმის მარშალს შეხვდა

სრულიად საქართველოს კათოლიკოს-პატრიარქმა ილია II-მ და საპატრიარქო ტახტის მოსაყდრემ მიტროპოლიტმა შიომ (მუჯირი) პოლონეთის რესპუბლიკის პარლამენტის თავმჯდომარე (სეიმის მარშალი) მარეკ კუხჩინსკი, პოლონეთის საგანგებო და სრულუფლებიანი ელჩი საქართველოში, მარიუშ მაშკიევიჩი, პარლამენტის თავმჯდომარის მოადგილე, პოლონეთ-საქართველოს საპარლამენტო ასამბლეის ხელმძღვანელი, მარია კოცი და სხვა ოფიციალური პირები მიიღო.

საპატრიარქოს ინფორმაციით, შეხვედრაზე საუბარი შეეხო საქართველოსა და პოლონეთს შორის არსებულ მეგობრულ ურთიერთობებს. ასევე, იმ პრობლემებს, რომლის წინაშეც ჩვენი ქვეყნები დგას.

კათოლიკოს-პატრიარქმა ყურადღება გაამახვილა ოკუპირებულ ტერიტორიებზე და ისაუბრა მშვიდობიანი გზით ჩვენი ქვეყნის ტერიტორიული მთლიანობის აღდგენის აუცილებლობაზე.

„ბედნიერი ვარ, რომ მაქვს თქვენთან შეხვედრის პატივი. ვთვლით, რომ საქართველო პოლონეთის გამორჩეული მეგობარია. პოლონეთი მტკიცედ უჭერს მხარს საქართველოს ტერიტორიულ მთლიანობასა და სუვერენიტეტს“, – განაცხადა პოლონეთის რესპუბლიკის სეიმის მარშალმა.

უწმინდესმა დელეგაციის წევრებს მოკლედ გააცნო საქართველოს ეკლესიის ისტორია და წმინდა გრიგოლ ფერაძის შესახებაც ისაუბრა.

,,ჩვენი ქვეყნები ქრისტიანულ რელიგიაზეა დაფუძნებული. პოლონეთში, ისევე როგორც საქართველოში, ქრისტიანობას უდიდესი როლი აქვს სახელმწიფოებრიობის ჩამოყალიბებაში. დღეს, როდესაც მსოფლიოში მიმდინარეობს დექრისტიანიზაცია, განსაკუთრებულად მნიშვნელოვანია ქრისტიანული ფასეულობებისა და ღირებულებების დაცვა და შენარჩუნება“, – განაცხადა მარეკ კუხჩინსკიმ.

კათოლიკოს-პატრიარქმა შეხვედრის დასასრულს სტუმრებს ვიზიტისთვის მადლობა გადაუხადა, სამახსოვრო საჩუქრები გადასცა და წარმატებული საქმიანობა უსურვა.

აღნიშნული მიღება საქართველოსა და პოლონეთის დამეგობრების 100 წლისთავისადმი მიძღვნილი ღონისძიების ეგიდით გაიმართა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)