პარლამენტის თავმჯდომარე 2007 წლის 7 ნოემბრის მოვლენებს სპეციალური განცხადებით გამოეხმაურა.

ირაკლი კობახიძის შეფასებით, 7 ნოემბერი არის დღე, როცა “ნაციონალური მოძრაობა“ საზოგადოების წინაშე თავისი სასტიკი სახით წარსდგა. მისივე თქმით, ეს ის სახეა, რომლითაც “ნაციონალური მოძრაობა“ დღემდე მოდის.

“მაშინ ხალხი დემოკრატიისთვის იბრძოდა და ეს ბრძოლა 2012 წელს დაგვირგვინდა, როდესაც ნამდვილი დემოკრატიული გარდატეხა განხორციელდა. ყველაფერი უნდა გავაკეთოთ იმისთვის, რომ შევინარჩუნოთ მიღწევა, შევინარჩუნოთ თავისუფლება და დემოკრატია, რომელიც არის სწორედ ამ ბრძოლით მოპოვებული შედეგი. სახე, რომელიც “ნაციონალურმა მოძრაობამ“ 11 წლის წინ აჩვენა, დღესაც აქტუალურია. ეს სახე დღესაც სასტიკი და აბსოლუტურად მახინჯია, რასაც ევროპულ ღირებულებებთან არავითარი კავშირი არა აქვს”, - განაცხადა ირაკლი კობახიძემ.