„ქართული ოცნების" ოფისთან მიკროსაფინანსო ორგანიზაცია "საქართველოს" მიერ დაზარალებული მეანაბრეების აქცია მიმდინარეობს. დაზარალებულები "ქართული ოცნების" თავმჯდომარესთან ბიძინა ივანიშვილთან შეხვედრას ითხოვენ.
„2 წელი გავიდა და გვინდა ჩვენი კერძო საკუთრება დაგვიბრუნდეს. საქმე ეხება მიკროსაფინანსო ორგანიზაცია "საქართველოს". დღეს სახელმწიფოს ძალიან უჭირს და არავის ეგონოს, რომ ჩვენ აქ მოვედით, რათა ვინმეს წისქვილზე წყლის დამსხმელი ვიყოთ. ჩვენ არ შევწყვეტთ ბრძოლას. ხელისუფლება დასცილდა ხალხის მაჯის ცემას",- განაცხადა აქციის ერთ-ერთმა მონაწილემ.
"ქართული ოცნების" ოფისში პარტიის ლიდერები იმყოფებიან.