კობა დავითაშვილი საკონსტიტუციო სასამართლოს  გაუქმებას მოითხოვს

ჩვენ ვითხოვთ, რომ გაუქმდეს საკონსტიტუციო სასამართლო," - ამის შესახებ ყოფილმა დეპუტატმა კობა დავითაშვილმა რუსთაველის გამზირზე გამართულ აქციაზე სიტყვით გამოსვლისას განაცხადა. დავითაშვილის თქმით, ხელმოწერები გროვდება ორი მოთხოვნით, ერთი - გაუქმდეს საკონსტიტუციო სასამართლოს გადაწყვეტილება მარიხუანას მოხმარებასთან დაკავშირებით და მეორე - გაუქმდეს თავად საკონსტიტუციო სასამართლო. მისი თქმით, თანამდებობიდან უნდა განთავისუფლდნენ სააკაშვილის მიერ მართული მოსამართლეები.

„ჩვენ ვაგროვებთ ხელმოწერებს და ვითხოვთ კონსტიტუციურ ცვლილებებს მარიხუანას ლეგალიზაციის წინააღმდეგ. აქ არის ორი ცვლილება. პირველი - გაბათილდეს საკონსტიტუციო სასამართლოს გადაწყვეტილება და ბაკქანალია, რომელიც მიდის ქვეყანაში, ყველა ეზოში ეწევიან ახალგაზრდები, მათი გენოციდი მიდის, შეწყდეს ეს პროცესი. შეიცვალოს ის მუხლი, რომელსაც დაეყრდნო საკონსტიტუციო სასამართლო და მეორე ცვლილება, რასაც ვითხოვთ - გაუქმდეს საკონსტიტუციო სასამართლო. მისი გაუქმების შემდეგ, ვითხოვთ მისი ფუნქციების გადაცემას ჩვეულებრივი სასამართლოებისთვის. დავუშვათ, თუ გურჯაანელ გლეხს სადაო აქვს მთავრობასთან ან პარლამენტთან, ბათუმში კი არ წავიდეს საკონსტიტუციო სასამართლოში, გურჯაანის სასამართლოში მივიდეს და იქ უჩივლოს მთავრობას. ისე არ უნდა იყოს, რომ საკონსტიტუციო სასამართლომ მიიღო გადაწყვეტილება, საბოლოოა, არ საჩივრდება და უნდა დავიღუპოთ იმის გამო, რომ ოთხმა კაცმა ასე გადაწყვიტა. ამ ოთხი კაციდან ერთი სააკაშვილის დანიშნულია, ერთი - მარგველაშვილის და ორი - "ქართული ოცნების". ოთხი კაცის სრული კოჰაბიტაცია შედგა და ოთხივემ ერთად ხელი მოაწერა ქართველი ერის განადგურებას. მე მივმართავ ბიძინა ივანიშვილს - ბატონო ბიძინა, დაგიდგებით გვერდით, ოღონდ თქვენ შეგიძლიათ შეცვალოთ კონსტიტუცია და მიიღოთ ის ცვლილება, რომელიც გამოიწვევს საკონსტიტუციო სასამართლოს ფუნქციების ჩვეულებრივი სასამართლოებისთვის გადაცემას. ეს კი არის რეორგანიზაცია. რეორგანიზაცია გულისხმობს ყველას განთავისუფლებას და კადრების თავიდან არჩევას. აი, ეს არის კარგი რეორგანიზაცია, რომ სააკაშვილის ყველა მოსამართლე განთავისუფლდეს თანამდებობიდან. თავიდან დაკომპლექტდეს სასამართლო. ვერასდროს ვერ აღდგება სამართლიანობა, ვიდრე სააკაშვილის მიერ მართული მოსამართლეები იქ სხედან,"- განაცხადა კობა დავითაშვილმა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა