მარია ზახაროვა კონგრესში შუალედურ არჩევნებზე - ნუთუ რუსი ჰაკერები ამჯერად უხეშად არ ჩაერიენ და დახვეწილად ითამაშეს?

ნუთუ რუსი ჰაკერები ამჯერად უხეშად არ ჩაერიენ და დახვეწილად ითამაშეს? - ასე გამოეხმაურა რუსეთის საგარეო საქმეთა ოფიციალური წარმომადგენელი მარია ზახაროვა აშშ-ს კონგრესში გამართულ შუალედურ არჩევნებს.

„საინტერესოა, როგორ ინტერპრეტაციას მისცემენ ამერიკელი პოლიტიკოსები არჩევნების შედეგებს. შემდეგი ვარიანტებია: იტყვიან, რომ ეს რუსი ჰაკერები არიან, თორემ სხვაგვარად კონგრესის ორივე პალატა ჩვენი იქნებოდა (აქტუალურია ორივე პარტიის წარმომადგენლებისთვის) ან იტყვიან, რომ არჩევნები რუსი ჰაკერების გარეშე ჩატარდა. „რესპუბლიკელები“ განმარტავენ, რომ ეს იმიტომ მოხდა, რომ „რუსებს სთხოვეს არ ჩარეულიყვნენ“, ხოლო „დემოკრატები“ დაამატებენ, რომ „რესპუბლიკელებზე“ ზეწოლა განახორციელეს“, - დაწერა მარია ზახაროვამ „ფეისბუქის“ საკუთარ გვერდზე.

აღსანიშნავია, რომ დღეს რუსეთის პრეზიდენტის პრესმდივანმა დიმიტრი პესკოვმა განაცხადა, რომ რუსეთი საზღვარგარეთ, მათ შორის აშშ-ში არც ერთ არჩევნებში არ ჩარეულა და არც ერევა.

ამერიკული მედიის ინფორმაციით, „დემოკრატიულმა პარტიამ” აშშ-ს წარმომადგენელთა პალატაში უმრავლესობა მოიპოვა, ქვეყნის სენატზე კონტროლს კი „რესპუბლიკელები“ ინარჩუნებენ. ასეთია შუალედური არჩევნების წინასწარი შედეგები. ტელეარხ CNN-ის ინფორმაციით, „დემოკრატებს“ 238 ადგილის მოპოვება შეუძლიათ წარმომადგენელთა პალატაში, ხოლო „რესპუბლიკელები“ 197 ადგილს მიიღებენ. CNN, NBC და Fox News-ის პროგნოზების თანახმად, „რესპუბლიკური პარტია“ უმრავლესობას ინარჩუნებს აშშ-ს სენატში. პროგნოზების მიხედვით, ისინი 100-დან 52 ადგილს მოიპოვებენ.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა