ია მეტრეველი - მთელ თბილისს კარდაკარ მოვივლი და ყველას შევეხვეწები, რომ არ დაეზაროთ არჩევნებზე მისვლა

მთელ თბილისს კარდაკარ მოვივლი და ყველას შევეხვეწები, რომ არ დაეზაროთ არჩევნებზე მისვლა, - ამის შესახებ პატრულის მიერ მოკლული ბუტა რობაქიძის დედამ, ია მეტრეველმა ოპერის წინ გამართულ აქციაზე სიტყვით გამოსვლისას განაცხადა. მან საზოგადოებას არჩევნებზე მისვლისკენ მოუწოდა.

მისი თქმით, პირადი წყენა ყველამ უნდა გადადოს და მეორე ტურზე მივიდეს, რადგან როგორც ია მეტრეველმა აღნიშნა, "ნაციონალური მოძრაობის" რეჟიმის უკან მობრუნება არ შეიძლება. ია მეტრეველის თქმით, არჩევნებში გამარჯვების შემდეგ, ყველაფერი უკეთესობისკენ შეიცვლება.

„მინდა მოგიწოდოთ - ნუ დასხდებით სახლში. ნამდვილად სამართლიანად ხართ განაწყენებული არსებულ ხელისუფლებაზე. ასევე ვარ მეც გულდაწყვეტილი და გულნატკენი. არაფერი კეთილდღეობა, ღმერთმა დამიფაროს. მე მხოლოდ ის მინდა, რომ ჩვენს ქვეყანაში მშვიდობა იყოს და შვილებს აღარ გვიხვრიტავდნენ ქუჩაში. მინდა, რომ ბუტას მეგობრებმა ბედნიერად იარონ და ისაუბრონ თბილისის ქუჩებში. მინდა, რომ ეს თბილისი ისევ ჩვენ გვეკუთვნოდეს და არა „ნაციონალურ მოძრაობას“, როცა დუბინკებით გვისწორდებოდნენ, მიტინგებიდან ბავშვებს იტაცებდნენ და კლავდნენ. გაიხსენეთ რა დღეში ვცხოვრობდით. არ შეიძლება იმ რეჟიმის უკან დაბრუნება. მთელ თბილისს კარდაკარ მოვივლი და ყველას შევეხვეწები, რომ არ დაეზაროთ არჩევნებზე მისვლა. პირადი წყენა ყველამ უკან უნდა გადავდოთ, ხალხო. მე უკვე მომიკლეს შვილი და თქვენს შვილებს მიხედეთ. არ შეიძლება, რომ ისევ ის რეჟიმი დავუშვათ. არ იცით ვისი შვილი იქნება შემდეგი.

საქართველოს მოსახლეობის უდიდესი ნაწილი არ იზიარებს იმ ბოროტებას, რომელსაც „ნაციონალური მოძრაობა“ წარმოადგენს. მთავარია ახლა გავიმარჯვოთ და მერე იცოდეთ, რომ ყველაფერი იქნება სხვაგვარად. ხელისუფლებას კარგი სილა გააწნა საზოგადოებამ. მათ გააცნობიერეს, რომ ასე ვეღარ გააგრძელებენ“, - განაცხადა ია მეტრეველმა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა