თავდაცვის სამინისტრო ონლაინ ტესტირების გზით კონკურსს ატარებს

საქართველოს თავდაცვის სამინისტრო მიმდინარე წლის 7 ნოემბრიდან 28 დეკემბრის ჩათვლით, ონლაინ ტესტირების გზით, მისამართზე - testebi.mod.gov.ge, სამხედრო ისტორიის საერთაშორისო ურთიერთობების, სამხედრო-პოლიტიკურ და უსაფრთხოების საკითხებში კონკურსს ატარებს.

თავდაცვის სამინისტროს ინფორმაციით, პროექტის მიზანია, საქართველოს შეიარაღებული ძალებისა და საქართველოს სამხედრო ისტორიის პოპულარიზაცია, საქართველოს ევროატლანტიკური ინტეგრაციის და ქვეყნის წინაშე არსებული გამოწვევების შესახებ საზოგადოების ცნობიერების ამაღლება.

„დაინტერესებულ ფიზიკურ პირებს კონკურსისთვის რეგისტრაცია და მასში მონაწილეობა თავდაცვის სამინისტროს ოფიციალური ვებგვერდის მისამართზე testebi.mod.gov.ge განთავსებული აპლიკაციის საშუალებით შეუძლიათ.

ტესტები 90 საკითხს მოიცავს და 5 კატეგორიად იყოფა: სამხედრო ისტორია - 20 საკითხი; საერთაშორისო თანამშრომლობა - 20 საკითხი; თანამედროვე გამოწვევები - 15 საკითხი; სამხედრო სამსახური - 20 საკითხი; დროშები, სამხრეები და ტაქტიკური ნიშნები - 15 საკითხი.

საუკეთესო ათი მონაწილისთვის თავდაცვის სამინისტროსგან ჯილდოდ განკუთვნილია „ქართული სამხედრო ენციკლოპედიური ლექსიკონი“; გენერალ გიორგი მაზნიაშვილის „ჩემი მოგონებები“ და გენერალ ალექსანდრე ჩხეიძის „სამხედრო სკოლა“. ამასთან ერთად, მესამე საპრემიო ადგილზე გასული მონაწილე კომპანია „Time Georgia“-სგან ჯილდოდ Casio G-shock-ის საათს, მეორე საპრემიო ადგილზე გასული მონაწილე - სამხედრო ზურგჩანთას და მათარას, ხოლო პირველ საპრემიო ადგილზე გასული მონაწილე თავდაცვის სამინისტროსგან ჯილდოდ Lenovo-ს ნოუთბუქს მიიღებს.

საკონკურსო შედეგად ჩაითვლება მხოლოდ პირველი ცდით ტესტების ყველა კატეგორიაში მიღწეული ჯამური შედეგი. შედეგები გამოითვლება ტესტირებაში მიღებული სწორი პასუხების რაოდენობისა და ტესტების შესრულებაში დახარჯული დროის მიხედვით. ერთი ან რამდენიმე ფიზიკური პირის მიერ ერთნაირი შედეგის მიღწევის შემთხვევაში, უპირატესობა მას მიენიჭება, ვინც უფრო ადრე დაიწყო ტესტების შესრულება. ტესტების შესრულების შეწყვეტის შემთხვევაში, აპლიკაციაში სარეგისტრაციო მონაცემების ხელახალი შეყვანით, კონკურსის ვადის ამოწურვამდე, თქვენ ნებისმიერ დროს შეძლებთ ტესტების შესრულების გაგრძელებას. საკითხზე პასუხის დაფიქსირების შემდეგ, მომდევნო საკითხზე გადასვლამდე დახარჯული დრო და ტესტების ერთი კატეგორიიდან სხვა კატეგორიაში გადასვლის დრო არ აისახება ტესტების შესრულების დროზე. ტესტების ყველა კატეგორიაში მოცემულ საკითხებზე პასუხების გაცემის შემდეგ, აპლიკაციაში იხილავთ ტესტების სრული შედეგის ბმულს, რომელიც პირველი ცდით შესრულებული ტესტების შედეგს ასახავს. თქვენ შეგიძლიათ როგორც ტესტების სრული შედეგის, ისე, ტესტების კატეგორიების მიხედვით მიღწეული შედეგების „ფეისბუქზე“ გაზიარება.

კონკურსი ჩატარდება 2018 წლის 7 ნოემბერიდან 28 დეკემბრის ჩათვლით. გამარჯვებულების სია 2019 წლის იანვარში თავდაცვის სამინისტროს ოფიციალურ ვებ-გვერდსა (mod.gov.ge) და თავდაცვის სამინისტროს „ფეისბუქის“ გვერდზე (facebook.com/mod.gov.ge) გამოქვეყნდება. გამარჯვებულთა დაჯილდოება ამავე თვეს, თავდაცვის სამინისტროში შედგება“, - აცხადებენ უწყებაში.

როგორც სამინისტროში აცხადებენ, კონკურსის ორგანიზატორთა რჩევაა, კონკურსში მონაწილეობამდე საქართველოს თავდაცვის სამინისტროს ოფიციალურ ვებ-გვერდზე (www.mod.gov.ge) და საქართველოს სამხედრო ისტორიის პორტალზე (history.mod.gov.ge) განთავსებული ინფორმაციის გაცნობა, რომელიც კონკურსის მონაწილეებს წარმატებული შედეგის მიღწევაში დაეხმარებათ.

„დამატებითი კითხვებისთვის მოგვწერეთ მისამართზე ✉ pr@mod.gov.ge, თავდაცვის სამინისტროს Facebook-ის გვერდზე ან მოგვმართეთ ტელეფონის ნომერზე ☏ 2 91 04 21“, - აღნიშნავენ უწყებაში.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა