დავით ზალკალიანმა ყაზახეთის დამოუკიდებლობის 27 წლის იუბილესთან დაკავშირებულ საზეიმო ღონისძიებაში მიიღო მონაწილეობა

საგარეო საქმეთა მინისტრმა დავით ზალკალიანმა ყაზახეთის დამოუკიდებლობის 27 წლის იუბილესთან დაკავშირებულ საზეიმო ღონისძიებაში მიიღო მონაწილეობა.

მინისტრმა სიტყვით მიმართა ღონისძიების მონაწილეებს. საგარეო საქმეთა სამინისტროს პრესსამსახურის ინფორმაციით, დავით ზალკალიანმა მისალოც სიტყვაში ხაზი გაუსვა ყაზახეთის მიერ უკანასკნელ წლებში მიღწეულ წარმატებებს და თბილისსა და ასტანას შორის არსებულ სანიმუშო ორმხრივ ურთიერთობებს.

მინისტრმა დამოუკიდებლობის დღის გარდა ყაზახეთის ელჩსა და ყაზახ ხალხს ასტანას 20 წლის იუბილეც მიულოცა, რომელიც 2018 წელს აღინიშნება. მან გაიხსენა უმსხვილესი სავაჭრო-ეკონომიკური გამოფენა ასტანა-2017, რომელშიც ქართულმა მხარემაც მიიღო მონაწილეობა.

“საქართველო-ყაზახეთს შორის ორმხრივი თანამშრომლობა მართლაც სამაგალითოა. არ არსებობს საკითხი, რომელიც ჩვენს შორის მოლაპარაკების, ურთიერთგაგებისა და ურთიერთპატივისცემის საფუძველზე არ გადაიჭრას. გახშირებულია მაღალი და უმაღლესი დონის ორმხრივი ვიზიტები, რაც აძლიერებს ჩვენს თანამშრომლობას. გასულ წელს წარმატებული გამოდგა საქართველოს პრეზიდენტის, ხოლო მიმდინარე წელს საქართველოს საგარეო საქმეთა მინისტრის ვიზიტები ყაზახეთში. მიღწეულ იქნა შეთანხმება მნიშვნელოვან საკითხებზე და პარტნიორობის კიდევ უფრო გაღრმავებაზე. მისასალმებელია, რომ ეკონომიკური თვალსაზრისით გვაქვს ხელშესახები შედეგები, 2018 წლის პირველი ცხრა თვის მონაცემებით, საქონელბრუნვა გაზრდილია და უკვე აჭარბებს 100 მლნ აშშ დოლარს. განსაკუთრებით სასიხარულოა, რომ მაღალი ტემპებით იზრდება ყაზახეთიდან საქართველოში ჩამოსულ ტურისტთა რიცხვი, რომელთა რაოდენობამაც მიმდინარე წლის იანვრის თვიდან ამ დროისთვის უკვე გადააჭარბა 50 000 ადამიანს. მივესალმებით ასევე მეტ ყაზახურ ინვესტიციებს ჩვენს ქვეყანაში. გულითადად ვულოცავ ჩვენს მოძმე ყაზახ ერს დღევანდელ დღეს“, - განაცხადა დავით ზალკალიანმა.

ღონისძიებას საქართველოს აღმასრულებელი და საკანონმდებლო ხელისუფლების წარმომადგენლები, დიპლომატიური კორპუსის, სამოქალაქო, ბიზნეს სექტორის და საქართველოში ყაზახური დიასპორის წარმომადგენლები ესწრებოდნენ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა