თელავში სახალხო დღესასწაული „ერეკლეობა-2018“ ჩატარდა

7 ნოემბერს თელავში მეფე ერეკლე მეორის 298-ე იუბილე აღინიშნა. ღონისძიებები ძირითადად თელავის ისტორიული მუზეუმის ტერიტორიაზე აკადემიურ სტილში წარიმართა.

თელავის მუნიციპალიტეტის მერიის ინფორმაციით, დილა ბატონის ციხის ეზოში, ღვთისმშობლის მიძინების ეკლესიაში, მეფის სულის მოსახსენიებელი წირვით დაიწყო. პარალელურად, მცხეთის სვეტიცხოველში - ერეკლე მეორის საფლავზე, მისი სულის მოსახსენიებელი პანაშვიდი ჩატარდა.

დღესასწაულზე სტუმრად იმყოფებოდნენ დელეგაციები თელავთან დამეგობრებული ქალაქებიდან: ბიბერახი (გერმანია), კედაინიაი, ანიკშჩიაი (ლიეტუვა), ბალტა (უკრაინა), კლეცკი, გლუბოკოე (ბელარუსის რესპუბლიკა).

ბატონის სასახლის აივანზე, დამსწრე საზოგადოების წინაშე წარსდგნენ ქალთა კაპელა „კახეთის ჰანგები“, ანსამბლები: „პატარა კახი“ და „მზე შინა“. ადგილობრივი ფოლკლორული და ქორეოგრაფიული ანსამბლების კონცერტი გაიმართა თელავის ვაჟა-ფშაველას სახელობის სახელმწიფო პროფესიული თეატრის სცენაზე.

საღამოს, ანსამბლი "ქართული ხმების" კონცერტი ჩატარდა, სადაც თელავის მუნიციპალიტეტის მერმა შოთა ნარეკლიშვილმა საპატიო თელაველები დააჯილდოვა. "საპატიო თელაველის" წოდება მიენიჭათ: მერაბ მერაბიშვილს (მოქანდაკე, ერეკლე მეორის ძეგლის ავტორი), ელენე ლუხუტაშვილს (თვითნასწავლი ხელოვანი), ლევან სეფაშვილს (ხელოვანი), ლევან კირვალიძეს (ექიმი) და ზურაბ არსენიშვილს (საზოგადო მოღვაწე).

შეკრებილ საზოგადოებას მიესალმა მეფე ერეკლეს შთამომავალი ნუგზარ ბაგრატიონ-გრუზინსკი.

ღონისძიება გრანდიოზული ფოიერვერკით დასრულდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს