საქართველოს ეროვნულ ბიბლიოთეკას ბრიტანეთის ეროვნული ბიბლიოთეკის კოლექციების დეპარტამენტის ხელმძღვანელი და ევროპის სამეცნიერო ბიბლიოთეკების კონსორციუმის დირექტორი კრისტიან იენსენი ესტუმრა.

როგორც „ინტერპრესნიუსს“ ეროვნული ბიბლიოთეკიდან აცნობეს, საქართველოს პარლამენტის ეროვნული ბიბლიოთეკის გენერალურმა დირექტორმა გიორგი კეკელიძემ და კრისტიან იენსენმა ხელი მოაწერეს ურთიერთთანამშრომლობის მემორანდუმს. მემორანდუმის თანახმად, ბრიტანეთის ეროვნულ ბიბლიოთეკაში დაცული ქართული მასალების შესწავლის მიმართულებით მუშაობა დაიწყება.