აშშ-მა რუსეთის წინააღმდეგ დაწესებული სანქციები გააფართოვა

აშშ-ს ხაზინის დეპარტამენტმა ყირიმის ანექსიისა და დონბასში აგრესიის გამო რუსეთის წინააღმდეგ დაწესებული სანქციები გააფართოვა.

სასანქციო სიაში შეყვანილია სამი ფიზიკური და ცხრა იურიდიული პირი.

კერძოდ, სანქციები დაუწესდა ალექსანდრე ბასოვს, რომელიც ახლა ე.წ. ლუგანსკის სახალხო რესპუბლიკის უშიშროების მინისტრის მოადგილის პოსტს იკავებს, ФСБ-ს თანამშრომელს ანდრეი სუშკოს და რუსეთის სარაკეტო ძალებისა და არტილერიის ყოფილ მეთაურს ვლადიმერ ზარიცკის.

რაც შეეხება იურიდიულ პირებს, სანქციები უწესდებათ ყირიმში მდებარე სანატორიუმებს: „Ай-Петри“, „Дюльбер“, „Мисхор“, საკურორტო კომპლექსს Mriya Resort, კომპანიებს КрымТЭЦ, Гарант СВ, ინფრასტრუქტურის პროექტების კომპანიას.

შეგახსენებთ, რომ აშშ-ს პრეზიდენტმა დონალდ ტრამპმა უკრაინაში აგრესიის გამო რუსეთისთვის სანქციების გამკაცრების თაობაზე განკარგულებას ხელი მოაწერა.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა