20 წლის ანა ნაცვლიშვილის მკვლელობაში ბრალდებულის პროცესზე დაცვის მხარემ ალტერნატიული ექსპერტიზის შედეგები წარადგინა, რამაც მოკლულის მამის პროტესტი გამოიწვია

თემქაზე 20 წლის ანა ნაცვლიშვილის მკვლელობაში ბრალდებულ ლადო გრიგალაშვილის სასამართლო პროცესზე შესვენება გამოცხადდა.

დღევანდელ სხდომაზე დაცვის მხარემ ალტერნატიული ექსპერტიზის შედეგები წარადგინა. აღნიშნული დასკვნის გასაცნობად ბრალდების მხარემ ერთი საათი მოითხოვა.

სასამართლოში ჩვენება ალტერნატიულმა ექსპერტმა, ალექსანდრე გეჯაძემ მის მიერ დაწერილ დასკვნასთან დაკავშირებით მისცა.

მისი ჩვენება ანა ნაცვლიშვილის მამისთვის, მამუკა ნაცვლიშვილისთვის მიუღებელი აღმოჩნდა და ექსპერტთან საუბრისას აღნიშნული დასკვნა გააპროტესტა.

როგორც გეჯაძემ აღნიშნა, ნაცვლიშვილს კისრის არეში მჩხვლეტავ-მჭრელი ხასიათის ტრავმა ჰქონდა მიყენებული, თავის მიდამოში კი, ბლაგვი ხასიათის ტრავმა. შესაბამისად, როგორც ერთს, ასევე მეორეს შეიძლებოდა მისი სიკვდილი გამოეწვია.

ექსპერტისთვის საეჭვოა ბრალდებულის ტანსაცმელზე არსებული მცირე ზომის სისხლის ლაქები, რადგან როგორც მან განმარტა, არტერიული სისხლდენის შემთხვევაში, ბრალდებულის ტანსაცმელზე მეტი სისხლი უნდა ყოფილიყო.

ექსპერტმა ასევე ისაუბრა იმასთან დაკავშირებითაც, რომ ნივთმტკიცებად ამოღებული ბეტონის ფილით, რომელიც 4.5 კილო ნახევარს იწონის, შეუძლებელი იყო გრიგალაშვილს ცალი ხელით აეღო და დაზიანებები მიეყენებინა.

იხილეთ ვიდეო: თემქაზე მოკლულ 20 წლის ანა ნაცვლიშვილის მამასა და ექსპერტს შორის შეკამათება მოხდა

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა