ნოდარ ხარშილაძე -  სალომე ზურაბიშვილის პრეზიდენტად არჩევა გეოპოლიტიკურად კიდევ უფრო დაამძიმებს იმ სურათს, რაც დღეს საქართველოს აქვს

საქართველოს პრეზიდენტად სალომე ზურაბიშვილის არჩევა გეოპოლიტიკურად კიდევ უფრო დაამძიმებს იმ სურათს, რაც დღეს საქართველოს აქვს, გამომდინარე იქედან, რომ რუსეთი გაიმაგრებს თავის პოზიციებს, - ამის შესახებ ანალიტიკოსმა ნოდარ ხარშილაძემ ჟურნალისტებს განუცხადა.

ხარშილაძის თქმით, ზურაბიშვილის არჩევა უფრო დააზიანებს საქართველოს იმიჯს საერთაშორისო დონეზე და კიდევ უფრო მეტ ზიანს მოუტანს საქართველოს ეროვნულ უსაფრთხოებას.

„ამ ხელისუფლების ერთ-ერთი ყველაზე დიდი შეცდომა ის არის, რომ საქართველო გააქრო საერთაშორისო არენიდან. ის დავალება, რაც ბიძინა ივანიშვილმა მისცა თავის მხარდამჭერებს, რომ საქართველო არ უნდა იყოს განხილვის საგანი, სამწუხაროდ, შესრულდა და დღეს საქართველოზე არავინ ლაპარაკობს. ეს არის ყველაზე დიდი პრობლემა. ეს ყველაფერი ივანიშვილმა ექსპერტებთან შეხვედრაზე ღიად თქვა - ჩემი მიზანია საქართველო აღარ იყოს განხილვის და პრობლემის საგანი დასავლეთსა და რუსეთთან ურთიერთობაში. ამას ღიად ამბობს და ჩემი ყურით მაქვს მოსმენილი. ეს არის ყველაზე დიდი პრობლემა. მეორე პრობლემა არის ის, რომ სალომე ზურაბიშვილის მხარდაჭერა მოსკოვში აშკარაა, ოფიციალური პირების განცხადებები და ასევე, სახელმწიფოსთან და მთავრობასთან არსებული არასამთავრობო ორგანიზაციებიც პირდაპირ საუბრობენ იმაზე, რომ მათთვის მისაღებია სალომე ზურაბიშვილი და მიუღებელია გრიგოლ ვაშაძე. ეს ფაქტია და არ არის ვინმეს აზრი.

აქედან გამომდინარე, სალომე ზურაბიშვილის არჩევა გეოპოლიტიკურად კიდევ უფრო დაამძიმებს იმ სურათს, რაც დღეს საქართველოს აქვს, გამომდინარე იქედან, რომ რუსეთი გაიმაგრებს თავის პოზიციებს. ზურაბიშვილის არგუმენტი, რომ საქართველოს ბრალია ეს ყველაფერი და რუსეთი ოკუპანტი არ არის, ზუსტად ისაა, რასაც ზურაბიშვილი ამბობს და მეტიც, წერს თავის წიგნში რომელიც დოკუმენტირებულია. ეს კიდევ უფრო დააზიანებს საქართველოს იმიჯს გარეთ და კიდევ უფრო მეტ ზიანს მოუტანს ჩვენს ეროვნულ უსაფრთხოებას“, - განაცხადა ხარშილაძემ „პირველი რადიოს“ პრესკლუბში ამერიკული ორგანიზაცია კატონის უნივერსიტეტის ექსპერტ, პოლიტოლოგ ანდრეი ილარიონოვთან ერთად გამართულ პრესკონფერენციაზე.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი