პარლამენტთან აქციის მონაწილეებსა და რამდენიმე ნიღბიან მოქალაქეს შორის ინციდენტი მოხდა

პარლამენტის შენობის წინ მიმდინარე აქციაზე აქციის მონაწილეებსა და რამდენიმე მოქალაქეს შორის მცირე ინცინდენტი მოხდა. პარლამენტის შენობის წინ გაშლილ კარვებთან სამი ნიღბიანი მაკამაკაცი მივიდა, რომლებსაც აქციის მონაწილეებმა ნიღბის მოხსნა მოსთხოვეს, რა დროსაც ერთ-ერთი მათგანი ტერიტორიიდან გაიქცა. მას აქციის რამდენიმე მონაწილე გაეკიდა.

ნიღბიანი მამაკაცი აქციის მონაწილეებმა მიწისქვეშა გადასასვლელთან დაიჭირეს და კიდევ ერთხელ მოსთხოვეს ვინაობის გამხელა, რასაც უცნობი მამაკაცის მხრიდან წინააღმდეგობა მოჰყვა. სიტუაციის ადგილზე გასარკვევად საპატრულო პოლიციის წარმომადგენლები მივიდნენ და აღნიშნული მოქალაქე გამოკითხეს. ამის შემდეგ უცნობმა პირებმა რუსთაველის გამზირი დატოვეს.

პარლამენტის შენობის წინ მიმდინარე აქციის მონაწილეთა განცხადებით, ეს ადამიანები ტერიტორიაზე, სავარაუდოდ, პროვოკაციების მოსაწყობად იყვნენ მისული. აქციის მონაწილეები სამართალდამცველებს მოუწოდებენ, ტერიტორიაზე უსაფრთხოება უზრუნველყონ.

ნიღბიანი პირების განცხადებით კი, ისინი უბრალო მოქალაქეები არიან, რომლებიც აქციაზე სოლიდარობის მიზნით იმყოფებოდნენ. როგორც მათ განაცხადეს, ვინაობის გამხელის სურვილი არ ჰქონდათ და იქიდან გამომდინარე, რომ ტერიტორიაზე მედიასაშუალებები იმყოფებოდნენ, ნიღაბი გაიკეთეს, რათა კადრებში არ გამოჩენილიყვნენ.

იხილეთ ვიდეო: რუსთაველზე გამოჩენილ 3 ნიღბიან ახალგაზრდას აქციის მონაწილეები გაეკიდნენ - ინციდენტის ამსახველი კადრები მონტაჟის გარეშე

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება